Itan 22:4 - Edo Bible (E Baibol Ẹdo) Version 1996

⁴ Gha ya ọghọ ne Nọyaẹnmwa, gha mu egbe rri otọ, u gha miẹn ẹfe, uyi, kevbe utọmwẹ.

Itan 22:4 ပူးပေါင်းရင်းမြစ်များ

Itan 19:23

Gha ye ọghọ ne Nọyaẹnmwa, u gha tọ, ẹko gha vbe vuọn ọn, u ghi vbe gha rrọọ vbe a i mwẹ ẹbe.

Itan 21:20

Avbe umẹwaẹn ghi gha rrọ vbe uwu ẹfe kevbe ọwọrhọwọrhọ, sokpan, avbe akpa, ẹgiẹgiẹ ọ re iran lo igho ne ọ la iran obọ.

Itan 21:21

Gha mwẹ itohan, ghẹ vbe gha ru ero, u gha wa tọ, emwa ọvbehe gha yọghọ nuẹn, iran ghi vbe gha ye obọ esi mu ẹẹn.

Itan 22:3

Emwa ni wan gha miẹn wẹ orueghe dee, iran ghi rhie uhunmwu iran lẹre, sokpan, ọmwa ne ẹ i ro iro ghi wa ya owẹ khian larọ, ọ ghi ya gha gbe ima rẹn vbe okiekie.

Itan 22:5

Adeghẹ u ho ẹmwẹ ẹdagbọn ruẹn, biegbe ne ifi ne ọ mu ọmwa dan vbe odẹ.

Itan 29:23

Te itengbemu mu ọmwa gbe otọ, sokpan, u gha re ọmwa ne ọ mu egbe rriotọ, a ghi gha yọghọ nuẹn.

Itan 3:16

Ẹwaẹn ọ re ọ rhie utọmwẹ ne ọmwa, kevbe ẹfe, kevbe ọghọ.

Itan 31:30

Te ose rẹrẹ ọmwa, te ukhuegbe vbe khian ne a ho bẹkun, sokpan okhuo ne ọ ya ọghọ ne Nọyaẹnmwa, te ọ kere ne a tian rẹn.

Aizaia 33:6

Ọ gha rhie ẹkun ne ọ sotọ ne uhunmwu ẹvbo nii. Te irẹn wa degue emwa rẹn vbe ẹghẹ hia, ọ ghi vbe gha rhie ẹwaẹn kevbe irẹnmwi ne iran. Ẹfe ne ọ sẹẹ ehia ne iran mwẹ ọrọre ọghọ ne a ya ne Nọyaẹnmwa.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Daniẹl 4:36

“Ẹrherhe mwẹ ghi gba nẹ vbe uhunmwu mwẹ, ẹtin ọba ne I mwẹ kevbe uyi ọghe arriọba mwẹ, a keghi dọlegbe viọ ehia mẹ. Avbe ekhaẹmwẹ mwẹ kevbe avbe enigie mwẹ keghi rhaan obọ miẹn mwẹ, a keghi dọlegbe mu ẹtin ọba mwẹ mẹ, ke ẹe kevbe uyi ne ọ kpọlọ sẹẹ ne ọ te ka rrọ yi.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

Jems 4:10

Wa mu egbe uwa rriotọ vbe odaro Osanobua, rẹn gha vbe tọn uwa mu.

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”