Itan 22:29 - Edo Bible (E Baibol Ẹdo) Version 1996

²⁹ Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.

Itan 22:29 ပူးပေါင်းရင်းမြစ်များ

Gẹnẹsis 41:38

Ọ keghi khama iran wẹẹ, “De ehe ne a gha na miẹn ọmwa ọvbehe nẹ ọ maa sẹẹ Josẹf ne ọ mwẹ orhiọn Osanobua.”

Gẹnẹsis 41:46

Ukpo ọgban ọre Josẹf gha ye vbe ọ suẹn gha winna ne ọba Igipt. Ọ keghi kpao ya khian la otọe nii gaa.

Gẹnẹsis 47:6

otọe Igipt rre iran evba nii, gie iran yin odẹ Gosiẹn, ehe ne ọ maa sẹẹ vbe otọe na, adeghẹ a ghi vbe miẹn ne ọ gha sẹtin vbe uwu iran, we ne iran gha gbearoghe avbe emwirri mwẹ.”

II Samuẹl 2:32

E Joab kevbe emwa rẹn keghi mu ikun Asahẹl, iran na ya re ẹre ye idin ẹgbẹe ne ọ rre Bẹtlẹhẹm. Iyeke ọnii, iran keghi wa ye asọn hia khian, iran na do sẹ Hibrọn vbe ẹdẹ ghi da wan.

I Ọba 10:8

U miẹn uhunmwu esi ne ikhuo ne u viọre mwẹ! U miẹn uhunmwu esi ne iran mwẹ ighẹ avbe eguọmwadia ruẹ ni mudia ke uẹ ne iran gha họn ẹmwẹ ẹwaẹn ne u ta vbe ẹghẹ hia.

I Ọba 11:28

E Jeroboam kegha re ọmọ ne ọ mwẹ ẹtin iwinna, e Solomọn ghi miẹn vbene ọ winna hẹ, ọ na ya ẹe ru ne ọ gbearoghe iwinna ne a ya ẹtin mu emwa winna vbe ẹwae Manasẹ kevbe Ifreim.

I Krọnikol 4:23

Ọmakhe ọ re iran gha khin ne ọba, iran kegha rre avbe ẹvbo ne a tie ẹre Neteim kevbe Gẹdẹra.

Itan 10:4

Ogue ọ re oroho si ye ọmwa egbe, sokpan, a ye obọ mu, ọ re ẹfe la rre.

Itan 12:24

Te iwinna ne a mu aro yi rhie ẹtin ne ọmwa, sokpan, te oroho si ọmwa la iyoha.

Itan 23:1

U gha tota ne u gu ọmwa kpataki rri evbare, ghẹ mianmian ọmwa ne irẹn khin.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Daniẹl 1:19

Ọba keghi gu iran hia fẹẹrẹ guan. Emwi ne Daniẹl, Hananaia, e Misiaẹl kevbe Azaraia ru keghi vuọn ọba aro sẹ ọghe nekpa hia fẹẹrẹ. A keghi rhunmwuda ọnii viọ iran la ẹguae ọba.

Daniẹl 1:4

Iran ghi gha re emọ ni mose, ni mwẹ ẹwaẹn, ne a ma ẹre emwi ẹse, ni rherhe rẹn emwi ne a ma iran ẹre, ne ẹ i vbe mwẹ ehe ne emwi na ru ẹre egbe rhọkpa, ne iran miẹn ehe na gha re emwa ni gha winna vbe uwu ẹguae ọba. Aspenaz ghi vbe ma iran vbene a tie kevbe vbe a gbẹn ẹvbo ne emwa e Babilọn zẹ hẹ.

Matiu 25:21

Arowa ẹre keghi tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na, I gha mu igho ne ọ kọnkọn nuẹn gha gbe aro ghe. La owa ne u do gunmwẹ ku obọ ye uwa.’

Matiu 25:23

Arowa ẹre tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na. Rhunmwuda ọnii, I gha mu igho ne ọ kpọlọ nuẹn gha gbe aro ghe, la owa ne u do gunmwẹ ku obọ ye uwa.’

Ebe ne Pọl gbẹẹn gie emwa Rom 12:11

Wa kakabọ gha winna, wa ghẹ so oroho, wa gha ya ekhọe ne ọ vuọn ne oyọnyọn ga Nọyaẹnmwa.

II Timoti 4:2

Gha kpe orhu nene ẹmwẹ, mu yan rẹn wẹ, ne a gha ta ẹe, deghẹ ẹghẹ ke yọ, ra ọ ma ke yọ ne u gha yae la emwa ekhọe, ne u gha gu ọmwa gui, ne u gha rhie igiẹdu ne emwa, kevbe ne u gha ye i ziengbe ma emwa emwi.

I Samuẹl 16:21

E Devid keghi bu e Sọl gha dee, ọ na gha winna ne ẹẹn. E Sọl keghi wa ho ẹmwẹ ọnrẹn ẹsẹse, ọ na gie ẹe gu irẹn gha viọ emwi igbinna mwẹ.

I Samuẹl 17:31

Emwa eso ghi họn vbene Devid kha hẹ, iran na tama e Sọl, rẹn keghi gie ne a tie ẹre rre.