Itan 22:23 - Edo Bible (E Baibol Ẹdo) Version 1996

²³ E Nọyaẹnmwa ọ re ọ ra gui ẹzọ iran ne iran, ọ ghi niẹn obọ ye iran aro ighe avbe emwa ni vbe niẹn obọ ye iran aro.

Itan 22:23 ပူးပေါင်းရင်းမြစ်များ

Psalm 103:6

Ọmwa ne a zẹ kpokpo, ọre Nọyaẹnmwa bu ohiẹn na, ọ ghi vbe gie emwi ne ọ khẹ ke iran sẹ iran obọ.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 12:6

Ne ọ gia mu ẹtin yan, ọ re eyan e Nọyaẹnmwa khin. Emwi ọmwata ọ re iran khin zẹ vbe esiliva ne a ya erhẹn kpe igba ihinrọn

Psalm 140:12

E Nọyaẹnmwa, mẹ rẹnrẹn wẹ, wẹ ọ re ọ mu ẹzọ ovbiogue gui, kevbe emwi ne ọ khẹke ne ẹ i mwẹ.

Psalm 140:13

Vbe ẹmwata, ẹmwata gha rho ruẹ; iran gha rro vbe odaro ruẹ.

Psalm 35:1

E Nọyaẹnmwa, mu aro da iran ni mu aro da mwẹ gu iran ni gunmwẹ gbinna, gbinna.

Psalm 35:10

Me gha ye ekhọekekhọe mwẹ tama Nọyaẹnmwa wẹẹ, “Ọmwa ne a ya gie ruẹ i rrọ, wẹ ne ọ fan nọ ma wegbe yotọ vbe obọ ọmwa ẹtin kevbe ovbiogue vbe obọ ne ọ zẹ ọe kpokpo.”

Psalm 43:1

Osanobua, bu asẹ mẹ, ne u mu ẹzọ mwẹ gui vbe ehe ne iran ne emwa dan ye; miẹn mwẹ fan vbe obọ emwa dan, kevbe avbe ọhọn ohoghe nii.

Psalm 68:5

Osanobua ne ọ rre uwu Ọgua Osa ẹre nọhuanrẹn gbearoghe ọ re ọ gbearoghe avbe emọ ni i mwẹ erha rẹn ọ re ọ degue avbe ẹgbẹe.

Ẹksọdọs 22:22

Wa ghẹ ru ọmọ ne ẹ i mwẹ erha ra ẹgbẹ khọ.

Ẹksọdọs 22:23

Wa gha ru iran khọ, iran na tu ma mwẹ nọ iyobọ, I gha zẹmwẹ wanniẹn iran.

Itan 21:7

Emwa dan i ibalegbe ọ re ọ gbe iran uhunmwu, iran he ne iran ru emwi ne ọ kere.

Itan 23:11

E Nọyaẹnmwa ọrọre ọmwa ẹtin ne ọ gbinna ne iran, ọ gha guẹ gui ẹzọ iran.

Aizaia 33:1

Ọghe avbe eghian mwa fo nẹ! Iran rhare, iran rhie emwa maa, a gha rhe miẹn wẹ ọmwa rhọkpa ma rha iran ra ne a rhie iran maa sokpan, ẹghẹ ne iran ya rha, ke ne iran ya rhie ọmwa maa gha sẹ ufomwẹ, iran tobọ iran ghi do khian ne a ghi rha ke ne a ghi siuma rẹn.

Jerimaia 30:16

Sokpan, ebannian, a gha gbele iran re ighẹ, iran ni te gbe uwa re, a gha vbe munọ avbe eghian uwa gha rrie zẹ vbe oghunmwu. A gha wọ iran uhunmwu ighe iran ni wọọ uwa uhunmwu, iran ni fu uwa emwi viọ, a gha fu iran emwi viọ.

Jerimaia 50:34

Sokpan, ọmwa ne ọ wegbe ọ re ọmwa ne ọ ra miẹn iran fan khin, e Nọyaẹnmwa ne Oghodua, ọ re a tie ẹre. Rẹn ọ re ọ ra tobọ ẹre mu ẹzọ iran gui, ọ ghi rhie ọfumwegbe ye otọ agbọn, sokpan, orueghe ghi gha re ọghe ivbi e Babilọn.”

Jerimaia 51:36

Ẹre Nọyaẹnmwa na tama ivbi e Jerusalẹm wẹẹ, “I gha mu ẹzọ ruẹ gui, I ghi vbe ru ẹe ne avbe eghian rri oya ye emwi ne iran ru uwa re. I gha si uhunmwu ẹzẹ e Babilọn ka, I ghi vbe gie avbe ẹzẹ ọre ka.

Maika 7:9

Ma ru orukhọ ghe Nọyaẹnmwa nẹ, rhunmwuda ọnii, te ọ kere ne ima ziengbe ohu ẹre vbe omwa ẹghẹ eso, sokpan, vbe okiekie, ọ gha mu ẹzọ ima gui, ọ ghi kpe ima oya emwi ne a ya ru ima khọ ua.

Habakọk 2:8

Ẹ i re avbiẹ emwa ẹvbo nibun ọ re uwa he fu ẹre emwi viọ sokpan, banbanna nian, iran ni miẹn uhunmwu vbọ gha vbe do fu uwa emwi viọ rhunmwuda izigha ne uwa de kevbe rhunmwuda uyinmwẹ ika ne uwa yin ghe agbọn kevbe avbe okpẹvbo ni rrọ.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

I Samuẹl 24:12

E Nọyaẹnmwa ọ re ọ ghi bu ohiẹn ne ọ diyi vbe imẹ vbe ruẹ. Te ọ gha rria ruẹ ikhi ye emwi ne u ru mwẹ re na, rhunmwuda, mẹ i ra ya obọ mwẹ kan ruẹn hiehiere.

I Samuẹl 24:15

E Nọyaẹnmwa gha bu ohiẹn, ọ gha ta ne ọ diyi vbe uwu ima. Te ọ gha guan ye ẹmwẹ na, ọ ghi degue mwẹ, ọ ghi miẹn mwẹ fan vbe ọbo ruẹ.”

I Samuẹl 25:39

Ugbẹn vbe Devid ghi họn wẹ Nabal wu, ọ keghi kha wẹẹ, “Rhie urhomwẹ ne Nọyaẹnmwa, ọ rria Nabal ikhi ye ihẹn ne ọ tie mẹ, ọ ma gie imẹ ne ọguọmwadia ẹre ru a i ghẹru. E Nọyaẹnmwa rria e Nabal ikhi ye emwi dan ne ọ ru.” Ẹre Devid na gie ne a khama Abigẹl wẹ rẹn ho ne irẹn si ẹre ẹgbẹe.