Itan 22:22 - Edo Bible (E Baibol Ẹdo) Version 1996

²² Ghẹ balaro mu ovbiogue rhunmwuda ighe obọ ruẹ gba ẹre, ghẹ balaro mu e ne ẹ i miẹn emwi ru vbe iko.

Itan 22:22 ပူးပေါင်းရင်းမြစ်များ

Job 31:16

“I ma he he ẹdẹ ne I ru iyobọ ne ovbiogue, I ma he giẹ agbọn khan avbe ẹgbẹ ẹdẹ,

Job 31:21

“Adeghẹ I he mu ọmọ ne ẹ i mwẹ erha ru ẹdẹ, rhunmwuda ighẹ I rẹnrẹn ighẹ, I gha rria asẹ ẹre vbe iko,

Ẹksọdọs 23:3

Ghẹ vbe zẹ ovbiogue ẹkpe vbe a gha bu ohiẹn ọnrẹn.

Ẹksọdọs 23:6

“A gha gui ẹzọ ivbiogue vbe uwu uwa wa ghẹ khiẹn ohiẹn bu gbe ẹe.

Itan 21:7

Emwa dan i ibalegbe ọ re ọ gbe iran uhunmwu, iran he ne iran ru emwi ne ọ kere.

Itan 22:16

Adeghẹ u ha oko gie iran ni fe nẹ, ra te u zẹ ivbiogue kpokpo ne u ya họn ẹfe ruẹ, te uwẹ tobọ ruẹ ra do khian ovbiogue.

Aizaia 10:2

Erriọ ọ re uwa ru ẹe ne uwa i na gie emwi ne ọ khẹke avbe ivbiogue sẹ iran obọ, wa i gie a bu ohiẹn ẹmwata ne iran. Erriọ ọre uwa vbe ya viọ ukhu ne ọ sẹ ẹgbẹ kevbe emọ ne ẹ i mwẹ erha obọ.

Ezikiẹl 22:29

Iran ni fe rha, iran do oyi. Iran ye obọ dan mu avbe ivbiogue, iran keghi vbe mu avbe orhunmwuyẹn vbuẹvbuẹ.

Levitikọs 19:13

“Ghẹ gu ọmwa do ẹki a sẹ ọmwa, ra ne u gbe ẹe miẹn re emwi. Ghẹ da igho ne u hae ne ọmwa ne ọ winna nuẹn yi, ghẹ da ẹe yi la asọn ọkpa kẹkan.

Levitikọs 25:17

Ghẹ mu ovbi Izrẹl ne ihua ru. Sokpan mu ohan e Nọyaẹnmwa Osanobua ruẹ.

Zẹkaraia 7:10

Wa ghẹ wọ avbe ẹgbẹe uhunmwu, ra avbe emọ ne ẹ i mwẹ erha, avbe erhunmwuyẹn ni do gu uwa yin ẹvbo ra ọmwaikọmwa ne ọ vbabọ emwi eso. Wa ghẹ vbe khuan khẹ egbe vbene uwa gha ya ru egbe emwi ikuangbe hẹ.’

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Diuteronomi 23:16

Ọ sẹtin ya yin ẹvbo ne ọ yẹ ọ re vbe otọe ruẹ, a ghẹ vbe gha ru ẹe khọ.