Itan 22:21 - Edo Bible (E Baibol Ẹdo) Version 1996

²¹ Ọ gha vbe ma ruẹn emwi ne ọre ẹmwata ne ọ rrọ. Ẹghẹ nii, ọ ghẹ ghi giọ wẹ ne u ya gualọ otọ ẹre ladian, u ghi miẹn ewanniẹn ẹmwata ne ọ rrọ rhie rre.

Itan 22:21 ပူးပေါင်းရင်းမြစ်များ

Itan 1:1

Avbe itan e Solomọn ne ovbi e Devid ne ọba Izrẹl.

Itan 1:3

Iran gha sẹtin ma ruẹn vbene a ya ye ẹwaẹn yin agbọn hẹ, kevbe vbene a ya mwẹ uyinmwẹ a i zẹ ibeleku, ẹmwata kevbe a ya obọ ọkpa mu emwa hia hẹ.

Itan 25:13

Ọmwa ẹmwata ne a gie ẹre uhunmwu, te ọ fu ọmwa ne ọ gie ẹre uhunmwu egbe rre zẹ vbe ne amẹ ne ọ furre fu ọmwa egbe rre vbe ẹghẹ owowo ẹghẹ emwiorhọ.

Asan-Ibo 12:10

Asan-ibo nii keghi hia ne ọ gualọ avbe ẹmwẹ ni fu ọmwa ẹko rre ladian, sokpan avbe ẹmwẹ ne ọ gbẹnnẹ, ne ero i ye ọ re nọ.

Iyẹn ne ọ Maan Ọghe Jọn 20:31

A gbẹnnẹ enena ne uwa miẹn ehe na yayi ighẹ Jesu ọrọre nene Mẹzaia ne Ovbi Osanobua, wẹ, rhunmwuda ighẹ wa ya ẹe yi, wa ghi la ekpa eni ẹnrẹn gha mwẹ arrọọ.

I Pita 3:15

Sokpan, wa gha ya ọghọ ne Kristi vbe uwu ekhọe uwa, ne uwa vbe ya ẹe ru Nọyan uwa. Mu egbe vbe ẹghẹ hia ne u ya rhie ewanniẹn ne ọmwa ne ọ rhirhi nọ ruẹn, wẹ ne u rhan otọ idaehọ ne u mwẹ.

I Jọn 5:13

I gbẹn ebe na gie uwa ne uwa miẹn ehe na rẹn ighẹ uwa mwẹ ẹfe ne ẹ i fo, wa ni ya eni Ovbi Osanobua yi.