Itan 22:18 - Edo Bible (E Baibol Ẹdo) Version 1996

¹⁸ Ẹko gha vbe rhiẹnrhiẹn uẹn adeghẹ u ye iran rre u na vbe guara gha ya iran kpa itan.

Itan 22:18 ပူးပေါင်းရင်းမြစ်များ

Psalm 119:103

A miẹn vbe igiodẹ ruẹ rhiẹnrhiẹn hẹ, ọ gele wa rhiẹnrhiẹn sẹẹ owọn.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 119:13

Mẹ gha mu ehia go ighe avbe uhi hia ne u wẹ rhie rre.

Psalm 119:162

U miẹn vbe ẹko rhiẹnrhiẹn mwẹ ye eyan ruẹn hẹ, ọ ye vbe ọyẹnmwẹ ne ọ sẹ ọmwa, ne ọ miẹn ako otọ emwi ighobioye nẹ, ne ọ lẹre.

Psalm 119:171

Mẹ gha rho ruẹ vbe ẹghẹ hia, rhunmwuda, u ma mwẹ uhi ruẹ.

Psalm 19:10

A rhie aro yọ sẹ igoru ne ọ ghi hian sẹẹ iran rhiẹnrhiẹn sẹ owọn ne ọ ghi hian sẹ.

Itan 10:13

Ẹmwẹ ẹwaẹn ọ re ọ ke unu avbe umẹwaẹn rre, sokpan, te ọ kere ne a gha rri avbe akpa oya.

Itan 10:21

Ẹmwẹ ne unu ọmwa esi guan gha rhie ọ maa gie emwa nibun, sokpan, ọmwa sẹtin ye ukọnmwẹ gbe egbe ẹre ua.

Itan 15:7

Obọ avbe umẹwaẹn ọ re irẹnmwi na vẹ gba ehe hia ighe ẹ i re avbe ọzuọ.

Itan 16:21

Ọmwa ne ọ wan, ne ọ vbe sẹ ekpe, irẹnmwi ọ re a ya rẹn ọnrẹn. Vbene ẹmwẹ ọnrẹn ya rhiẹnrhiẹn, erriọ ọ re ọ ya la ọmwa ehọ.

Itan 2:10

U ghi do gha wan, irẹnmwi ruẹn ghi vbe gha suẹ ọyẹnmwẹ.

Itan 22:19

I ho ne u mu ẹtin yan e Nọyaẹnmwa, ọnii ọ re ọ si ẹe ne I ra na ma ruẹn re nian.

Itan 25:11

Ẹmwẹ ne a ta la owa ẹre, te ọ yevbe iwinna ona igoru ne a ma yan esiliva.

Itan 3:17

Ẹwaẹn gha sẹtin ye ẹdagbọn ruẹn khian ne ọ rhiẹnrhiẹn, ọ ghi vbe su ẹ la ẹe fo.

Itan 4:20

Ovbi mwẹ, gha rhie ehọ ye ẹmwẹ ne I ta. Gha danmwehọ ẹmwẹ mwẹ.

Itan 4:21

Ghẹ gie iran fuẹ. Ye iran rre ne u vbe rhie iran mwẹ vbe ekhọe ruẹ.

Itan 8:6

Wa danmwehọ ẹmwẹ umamwẹ mwẹ, ẹmwẹ ne I ta ma uwa hia, te ọwa kei.

Jerimaia 15:16

Wẹ gunmwẹ guan, I keghi rhie ehọ ye ẹmwẹ hia. Ọwuẹ ọ re imẹ khin Nọyaẹnmwa, Osanobua ne Oghodua, rhunmwuda ọnii ẹmwẹ ruẹn keghi ya oghọghọ kevbe ọyẹnmwẹ vuọn ekhọe mwẹ.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Iyẹn ne ọ Maan Ọghe Jọn 7:38

Zẹ vbene ebe ne ọ huanrẹn khare, ‘Ọmwaikọmwa ne ọ ya mwẹ yi, ẹzẹ amẹ ẹfe gha kpe ke uwu orhiọn rẹn ladian.’ ”

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.