Itan 22:17 - Edo Bible (E Baibol Ẹdo) Version 1996

¹⁷ Danmwehọ mwẹ, I gha ma ruẹn avbe ẹmwẹ eso ne avbe umẹwaẹn tae. U ghi ruẹ emwi ne iran ma ọmwa re.

Itan 22:17 ပူးပေါင်းရင်းမြစ်များ

Psalm 78:1

Wa ne emwa mwẹ, wa danmwehọ emwi ne I ma uwa ẹre, ne uwa vbe gbe ehọ kotọ vbe I guan.

Psalm 90:12

Ma ima re, vbene ẹdagbọn mwa kanmwa sẹ hẹ ne ima miẹn ehe na gha mwẹ ẹwaẹn.

Itan 1:3

Iran gha sẹtin ma ruẹn vbene a ya ye ẹwaẹn yin agbọn hẹ, kevbe vbene a ya mwẹ uyinmwẹ a i zẹ ibeleku, ẹmwata kevbe a ya obọ ọkpa mu emwa hia hẹ.

Itan 23:12

Gha danmwehọ ọmwa ne ọ ma ruẹn emwi ne u ruẹ emwi hia ne u gha sẹtin ruẹ.

Itan 24:23

Avbe emwa ẹwaẹn ọ re ọ vbe guan avbe ẹmwẹ na. Emwi ne ọ ma gba nọ ne ọmwa ne ọbuohiẹn ka gha mwẹ ẹmwẹ nii vbe ekhọe nẹ.

Itan 3:1

Ovbi mwẹ, ghẹ mianmian emwi ne I ma ruẹn re. Gha ye emwi ne I tama ruẹn ne u gha ru rre vbe ẹghẹ hia.

Asan-Ibo 12:11

Ẹmwẹ ne avbe umẹwaẹn ta, te iran yevbe erhan ne a mu ne ọsuohuan ya su ohuan, itan ne a si koko, te iran tọ zẹ vbe ise ne a kakabọ kan ye emwi. Osanobua ne ọ re Ọsuohuan ima hia ọ re ọ viọ iran ne ọmwa.

Asan-Ibo 7:25

Sokpan, mẹ keghi wa mu aro ye ẹmwẹ irẹnmwi kevbe emwi ne a ruẹ, I keghi wẹ te I gha gualọ ẹwaẹn miẹn, ne I vbe rhie ewanniẹn ye avbe ọta ne I nọ hia; kevbe ne I rẹn vbene ezurọ re emwi ukọnmwẹ kevbe emwi dan hẹ.

Asan-Ibo 8:16

Ẹghẹikẹghẹ ne I ya ho ne I gha wan, kevbe ne I vbe rẹn emwi ne ọ khian vbe agbọn na, I ghi miẹn wẹ ọmwa sẹtin rhan aro ua ye ukpo kevbe asọn kevbe avan.

Asan-Ibo 8:9

Ẹghẹ ne I na gha roro ẹmwẹ emwi ne a ru vbe agbọn na, ọ re I na miẹn emwi na hia; agbọn na ne emwa eso na wa mwẹ ẹtin, emwa ọvbehe ghi gha sẹ usẹ lele iran.

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”