Itan 21:4 - Edo Bible (E Baibol Ẹdo) Version 1996

⁴ Emwa dan; a ma he miẹn egbe mwẹ ẹdẹ, kevbe itengbemu, ọ re ọ ye iran ru emwi. Orukhọ ọ re ena khin.

Itan 21:4 ပူးပေါင်းရင်းမြစ်များ

Job 18:5

Ẹ i mwẹ a ma dọ ukpa ọmwa dan yọ. Ubamwẹ ọnrẹn i ra dọlegbe wan uwanmwẹ ọvbehe.

Job 18:6

Ukpa ne ọ baa vbe owa ukpọn rẹn gha so ebiebi.

Psalm 10:4

Ọmwa dan i vbe zẹ ye Nọyaẹnmwa re vbe uwu itengbe mu ẹnrẹn, ọ rorẹe wẹ, Osanobua imwẹ asa ne ọ khin.

Psalm 101:5

Mẹ gha gia miẹn ufomwẹ ọmwaikọmwa, ne ọ ta ewẹwẹwẹ dan vbe ekpa ọmwa ọvbehe; mẹ i ra rhie otọ ne ọmwa ne ọ tọn egbe mu ke ne ọ hio.

Psalm 131:1

E Nọyaẹnmwa, mẹ mu itengbemu mwẹ fua nẹ, I i ghi mwẹ obọ vbe avbe ẹmwẹ ni kọnkọn ra avbe irẹnmwi ni wegbe sẹ mwẹ.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 21:27

Te ọ sọnnọ e Nọyaẹnmwa vbe emwa dan a zọ ese ghe ẹre, katekate vbe a gha miẹn wẹ emwi dan ọ re ọ rre iran ekhọe ne ọ ye iran ru ẹe.

Itan 24:20

Umamwẹ i rrọ ne ọmwa dan, emwi ne ọ vbe rhie aro yi i rrọ.

Itan 30:13

Emwa eso rrọ ni ro wẹ iran maa gbe a i miẹn ọmwa vbe ne iran ye hiehiere.

Itan 6:16

Emwi ihinrọn ọre Nọyaẹnmwa i ho, ẹ i vbe rhie otọ ne iran hiehiere: Ekhọe itengbemu, aranmwẹ ne ọ ta ohoghe, obọ ne ọ gbe ọmwa ne ọ ma rukhọ, ekhọe ne ọ mwamwa emwi dan, owẹ ne ọ rhulẹ ye ọkhọ ne a ru, osẹe ne ọ wa ta ohoghe yan ohoghe, kevbe ọmwa ne ọ si ẹti fi ẹkpo avbe ẹse.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:17

A gha dobọ uhiomwẹ emwa nagbọn yi, a gha fuẹn itengbemu emwa nagbọn ruan. A gha ho avbe amazẹ bẹkun fẹẹrẹ. E Nọyaẹnmwa ọkpa ọ re a ra gha go wan ẹdẹ ne ẹdọ.

Aizaia 3:16

E Nọyaẹnmwa khare wẹẹ, “Ghe vbene ikhuo e Jerusalẹm hio hẹ. Iran ghi gha tọn ukpihue mu khian. Iwinna ọghe ọ re ọ mu iran. Iran ghi gha zẹ owẹ gain gain, emwiobọ ne iran ya te egbe ghi gha tu giẹin giẹin.

Iyẹn ne ọ Maan Ọghe Luk 11:34

Te aro ruẹ yevbe ukpa ne egbe ruẹ. Aro ruẹ gha hian, egbe ruẹ hia ghi vuọn ne uwanmwẹ, sokpan deghẹ aro ruẹ ẹi ma an, egbe ruẹ hia ghi gha rre ebiebi.

Iyẹn ne ọ Maan Ọghe Luk 18:14

Jesu keghi khama iran wẹẹ, “Ne I tama uwa, okpia na ọre ọ miẹn orhue rhie gha rrie vbe obọ Osanobua ighẹ ẹ i re nọkpa. Rhunmwuda, ọmwaikọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.”

Ebe ne Pọl gbẹẹn gie emwa Rom 14:23

Ọ maa ne ọmwa ni ne ekhọe ẹre ma bu ohiẹn gbe vbe ọ gha ru emwi ne irẹn kha nẹ ighẹ ọ maa! Sokpan a deghẹ ọ gbe ọ khọn mwẹ ẹ i khọn mwẹ ye ẹmwẹ evbare ne ọ re, Osanobua gha bu abe gbe ẹe vbe ọ gha rriọe, rhunmwuda ẹ i re iyayi ọre ọ ya ẹe ru emwi ne ọ ru. Emwi ke emwi ne a ma ye iyayi ru, orukhọ nọ.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”