Itan 21:16 - Edo Bible (E Baibol Ẹdo) Version 1996

¹⁶ Uwu diakhẹ ọmwaikọmwa ne ọ bibi odẹ lahin ẹwaẹn esi rre.

Itan 21:16 ပူးပေါင်းရင်းမြစ်များ

Psalm 125:5

Sokpan, u gha rria iran ne emwa dan ikhi u ghi vbe rria iran ni yangbe odẹ ruẹ ikhi. Ọfumwegbe gu Izrẹl rrọọ!

Psalm 49:14

A tae nẹ ighe te iran ra wulo zẹvbe ohuan, uwu, ọ re ọ ra gha re ọsuohuan iran. Obọ ọmwata gha ke ukhunmwu ne iran, vbe ikinnegbe iran a gha kẹkẹ ua ẹgiẹgiẹ, vbe ẹvbo avbe orinmwi, ehe ne ọ rrei ne owa iran ẹsẹse.

Itan 11:19

Ọmwa ne ọ mu aro yọ ne irẹn gha ru emwi esi, ọ gha rre agbọn, sokpan, ọmwa ne ọ wẹ emwi dan rẹn ra gha ru khian, ọ gha wu.

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Itan 19:16

Gha ya uhi Osanobua ru emwi, u gha tọ, u gha fi iyeke gbe iran, u gha wu.

Itan 2:13

Avbe emwa ni sẹ emwi ẹmwata ne a ru rae ne iran ya gha rre uwu ebiebi orukhọ.

Itan 5:23

Ọ wu, rhunmwuda, Ọ ma rẹn vbe ne a ziengbe emwi hẹ. Ukọnmwẹ ọnrẹn ne ọ wia ọ re ọ ra gie ẹre idin.

Itan 9:18

Iran ne obọ ẹre vbare, ma vbe rẹn wẹ, emwa ni la owa ẹre, uhunmwu ọ re iran ya khiẹ ọre kevbe wẹ iran ni ka la owa ẹre yi, wa rre ehe ni dinmwi nian vbe ẹvbo emwa ni wulo nẹ.

Ezikiẹl 18:24

“Sokpan, a deghẹ ọmwa esi dobọ emwi esi ne ọ ru yi, ọ na suẹn ya gha ru emwi osọnnọ dan ne avbe emwa dan ru, ọ gha miẹn uhunmwu ra? Hiehiere! A i ghi ye avbe emwi esi ne ọ te ka ru rhọkpa rre. Ọ gha wu ye a i ta ẹmwata kevbe orukhọ ẹre.

Zẹfanaia 1:6

I gha fuẹn iran ighe iran ni werriegbe, ne iran na ma ghi lele mwẹ ọvbehe, iran ni ma bu mwẹ rre do nọ mwẹ wẹ ne I ru igiodẹ ne iran.”

Ẹfisọs 2:1

Vbe ẹghẹ ne ọ gberra, wa kegha re ne ọ wulo vbe orhiọn, rhunmwuda a i họn ẹmwẹ kevbe orukhọ uwa.

Hibru 10:38

Sokpan emwa ẹmwata mwẹ gha yayi, iran gha vbe fe. sokpan deghẹ ọmwaikọmwa vbe uwu iran werriegbe, ẹko mwẹ i ra rhiẹnrhiẹn ghe ẹre.”

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.

Ebe ne Jud gbẹẹn 1:12

Iran ye vbe ehe ne ọ gbe iruẹn vbe ehe ne ima na rri evbare ivbiotu mwa, rhunmwuda evbare ọzuọ ọghe ifaegbe ua, iran. Ẹgẹn iran ọkpa ọre iran gua yi. Iran ye vbe ubimwẹ amẹ ne ẹhoho mu khian, amẹ ọnrẹn i rhọ. Iran yevbe erhan ne ẹ i mọ, ọ gha khọn rẹn ne ọ gha re ẹghẹ orhọ, erhan ne a vu ẹre uhe mu fua nẹ, ne ọ wa wu fẹẹrẹ.