Itan 21:11 - Edo Bible (E Baibol Ẹdo) Version 1996

¹¹ A gha rri ọmwa ne ọ wa ghe ẹwẹe ọre ọkpa oya, uhin ighe ọmwa ne ẹ i ro iro ghi vbe ruẹ emwi vbọ. Ọmwa ne ọ wan, emwi ne a ma ẹre re, ọ re ọ ya ruẹ emwi.

Itan 21:11 ပူးပေါင်းရင်းမြစ်များ

Itan 1:5

Avbe itan na gha sẹtin rhie ba ẹwaẹn avbe umẹwaẹn, ọ ghi vbe ru igiodẹ ma emwa ni rẹn ehe.

Itan 15:14

Emwa ni wan ghi gha ho ne iran ruẹ emwi, sokpan, ẹko amarẹn ne avbe ọzuọ ye wa vuọn iran.

Itan 18:1

Emwa ne ẹ i gu emwa ọvbehe ro, enegbe iran okpa ọ re iran rẹnrẹn; emwa hia gha rhe rẹn wẹ emwi ne ọ gbae nene emwi khin, iran ghi wẹ, ẹn o.

Itan 18:15

Ọ rre ekhọe avbe umẹwaẹn, iran vbe mu egbe ne iran ruẹ emwi vbe ẹghẹ hia.

Itan 19:25

Ọ kere ne a rri ọmwa oya ye itengbemu, ne avbe iran ni ma vbe rẹn emwi gberra ọnii, sẹtin miẹn ọnii ya wan. Adeghẹ ọmọ ne ọ wan ọ re uwẹ khin, a gha guẹ gui, u ghi miẹn emwi ruẹ vbọ.

Itan 9:7

U gha tama ọmwa ne ọ khare ighe rẹn wa rẹn emwi hia, wẹ ọ ba emwi eso ku ru, ihẹn ọ re ọ ra tie nuẹn. U gha gu ọmwa dan gui ye ọkhọ, te ọ ra kuan ruẹn.

Itan 9:9

Emwi ne u a rhirhi tama umẹwaẹn, te ọ yae wan yọ. Emwi ne u a rhirhi tama ọmwa esi, te ọ rhie ba ẹre irẹnmwi.

Nọmbas 16:34

Emwa Izrẹl ni rre evba ghi họn vbe iran tulo, iran keghi lẹ, iran datu wẹẹ, “Wa lẹẹ, ne otọ ghẹ vbe minọ ima re deba re.”

Iwinna 5:5

Ananaias ghi wa họn ẹmwẹ na, ọ degbe otọ, ọ keghi wu. Ikponi keghi rhọ ku emwa hia ni họn ẹmwẹ na.

Diuteronomi 13:11

Ẹghẹ nii, emwa Izrẹl hia ghi họn emwi ne ọ sunu, iran ghi ya ọ nii wan, a i ghi vbe miẹn ọmwa ne ọ gha dọlegbe ru egbe emwi dan vberriọ.

Diuteronomi 21:21

Ẹghẹ nii, avbe ekaolotu ẹvbo nii ghi filo okuta gbe ẹe rua, odẹ vberriọ ọ re u gha ya wabọ emwi dan ni uan. Emọ ni rre Izrẹl hia ghi họn, dọmwadẹ ọghọe ghi rhie ẹwaẹn ye uhunmwu.

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.