Itan 20:9 - Edo Bible (E Baibol Ẹdo) Version 1996

⁹ A gha gele miẹn ọmwa ne ọ gha sẹtin kha wẹ ekhọe irẹn i gu irẹn gui hiehiere kevbe wẹ rẹn wa khọnmiotọ nẹ vbe uhunmwu orukhọ irẹn hia.

Itan 20:9 ပူးပေါင်းရင်းမြစ်များ

I Ọba 8:46

“A deghẹ emwa ruẹn ghi rukhọ ghe ruẹ, rhunmwuda a i miẹn ọmwa ne ẹ i ru orukhọ, ighẹ ohu mu ẹẹn, u na gie obọ eghian iran ke okhunmwu ne iran, iran na viọ iran oghunmwu gha rrie otọe ẹvbo ọvbehe, vbene ọ rhirhi rrei sẹ hẹ,

II Krọnikol 6:36

“Emwa ruẹn gha rukhọ ghe ruẹ, — a i miẹn ọmwa ne ẹ i ru orukhọ — ighẹ ohu na mu ẹẹn, u na gie obọ eghian iran ke okhunmwu, iran na vbe hẹ iran oghunmwu gha rrie ẹvbo ọvbehe, ọ gha khọn rẹn ne ẹvbo nii wa gha rrei.

Job 14:4

Emwi ọkpa ne ọ huanrẹn, ne ọ gha sẹtin ke uwu emwi ne ọ gbe iruẹn zẹ vbene ọmwa nagbọn ye rre, ẹ i rrọọ.

Job 15:14

“A gha miẹn ọmwa ne ọ gele wa huan fo ra? A gha miẹn ọmwa ne ọ wa gba na vbe odaro Osanobua ra?

Job 25:4

A gha miẹn ọmwa ne ọ re ọmwata kevbe ne ẹ i mwẹ iruẹn vbe odaro Osanobua ra?

Psalm 51:5

Emwi dan ọ re I wa khin, kevbe ne a ya biẹ mwẹ gha dee, I keghi wa vuọn ne orukhọ ke ẹdẹ ne a biẹ mwẹ kpao.

Asan-Ibo 7:20

Orhiọnkpa i rre agbọn na ne ọ wa ru emwi ẹse khian ne ẹ i vbe mwẹ abakuru.

Ebe ne Pọl gbẹẹn gie emwa Rom 3:9

A deghẹ erriọ nọ, ọ mwẹ emwi ne ima ne Ju ya maa sẹ avbe iran ne ẹ i re Ju ra khekherriọ? Hiehie re! I ka zẹ ọre uke nẹ wẹ avbe Ju kevbe avbe iran ne ẹ i re Ju, ọkpa ehia khin, ototọ ẹtin orukhọ ọre ehia ye.

I Kọrinti 4:4

Ekhọe mwẹ i gun mwẹ gui, sokpan, ọnii ma rhie maa ighẹ I i mwẹ orukhọ. Nọyaẹnmwa ọrọre ọmwa ne ọ bu ohiẹn mwẹ.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.