Itan 20:7 - Edo Bible (E Baibol Ẹdo) Version 1996

⁷ Emọ ni mwẹ erha ne ọ ta ẹmwata kevbe ne uyinmwẹ ọnrẹn vbe gba, uhunmwu esiesi ọ re iran khin.

Itan 20:7 ပူးပေါင်းရင်းမြစ်များ

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Psalm 112:2

Ivbi ọmwa esi gha mwẹ ẹtin vbe otọe nii; a gha fiangbe ivbi uniẹn ọnrẹn.

Psalm 15:2

Ọmwa ne ọ họn ẹmwẹ ne Osanobua vbe emwi hia. Ne ọ ru emwi ne ọ gbae ẹghẹ hia. Ne ẹmwẹ unu ẹnrẹn re ẹmwata kevbe ne ọ sẹ otọ ẹko

Psalm 26:1

Bu asẹ mẹ, Osanobua, rhunmwuda mẹ ru vbene ọ kei yi I keghi mu ẹtin yan ruẹn fẹfẹẹfẹ.

Psalm 26:11

Zẹ vbe ọghomwẹ, emwi ne ọ khẹke ọ re I ru, tohan mwẹ ne u miẹn mwẹ fan.

Psalm 37:26

Ẹghẹ hia ọ re ọ ya zẹ emwi obọ, ọ ghi vbe gha rhie ne emwa mọmọ. Afiangbe ọ re ivbi ẹre khin.

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 14:2

Gha ta ẹmwata, u gha rhie ma wẹ u gele ya ọghọ ne Nọyaẹnmwa adeghẹ u i ta ẹmwata, ọnii rhie ma wẹ u i ru vberriọ.

Itan 14:26

A ya ọghọ ne Nọyaẹnmwa, ekhọe kevbe ẹkun ne ọ sotọ ọ re ọ rhie ne igiowa ọmwa.

Itan 19:1

Ọmwa re ovbiogue ne adazẹ, ọ re ọ maa sẹẹ ne a gha re ọzuọ ne ọhọn ohoghe.

Aizaia 33:15

Wa gha miẹn uhunmwu adeghẹ wa ta, wa na vbe gha ru emwi ne ọgbae. Wa ghẹ ya ẹtin uwa gbe ovbiogue rhu, wa ghẹ miẹn igho erinmwian odieke. Wa ghẹ yegbe ba iran ni kun vbene iran gha do izigha hẹ ra ne iran ru emwi dan ọvbehe.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.