Itan 20:6 - Edo Bible (E Baibol Ẹdo) Version 1996

⁶ Dọmwadẹ ọghọe ọ re ọ kha ighe ọmwa ne ọ ye ekhọe ga ne ọ gia mu ẹtin yan ọ re irẹn khin. Akpawẹ a gha gele miẹn ọmwa okpa ne ọ ye vberriọ nian.

Itan 20:6 ပူးပေါင်းရင်းမြစ်များ

Psalm 12:1

Nọyaẹnmwa, yi ima obọ. Ọmwa nọmaa rhọkpa i ghi rrọọ. A i ghi miẹn ọmwa ẹmwata.

Psalm 12:2

Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

Itan 20:5

Iro ne ọ rre ọmwa ẹko, te ọ yevbe amẹ ne ọ rre uhae ne ọ dinmwi, sokpan ọmwa ne ọ sẹtin ghe umian emwi gha sẹtin sa ẹe ladian.

Itan 25:14

Emwa ni gha ve emwi ne iran i hae, te iran yevbe ẹhoho ra amẹ ne ọ bi ne ẹ i rhọ.

Itan 27:2

Gie emwa ọvbehe tian ruẹn, ne a wa kha wẹ avbe orhunmwuyẹn, ghẹ tobọ ruẹ tian egbe ruẹ ẹdẹ.

Asan-Ibo 7:28

I ye vbe gualọ avbe ewanniẹn ọvbehe, sokpan, I ma ghi miẹn. I miẹn okpia okpa vbe uwu ikpia arriaisẹn ne I gha ya ọghọ na, sokpan, I ma zẹdẹ miẹn vbe ikhuo hiehiere.

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Maika 7:1

Ẹ i zẹdẹ maa, hiehie re! Te I ghi wa ye vbe ọmwa ne ohanmwẹ gbe ne ọ ma miẹn ọmọ erhan vbe uhunmwu erhan ra alimo ayọn vbe uhunmwu azara. Alimo ayọn hia kevbe avbe ọmọ erhan ni rhiẹnrhiẹn, iran kọlọ ehia fo nẹ.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Matiu 6:2

“Rhunmwuda ọnii, u gha rhie emwi ne nẹi mwẹ, ghẹ yae khian wa do ghe, zẹ vbe ne avbe iran ni zẹ imamase ru vbe ada kevbe Ọgua ediọn. Te iran ruẹe ne a ba gha tian iran. Ere ne ọ rrọọ ne iran wa vbe fo nẹ vbe vba.

Iyẹn ne ọ Maan Ọghe Luk 18:11

E Farisi ne ọ rrọọ keghi mudia, ọ keghi na erhunmwu vbe nian: ‘Osanobua, I kpọnmwẹ ọn ighẹ mẹ i zuan, I i ru ero, I ma sakaan vbe ne emwa ọvbehe ye, I kpọnmwẹ ọn ighẹ I i ye vbe ne ọ koko igho uhunmwu nii.

Iyẹn ne ọ Maan Ọghe Luk 18:28

Pita wanniẹn tama rẹn wẹẹ, “Ghe, ma sẹ owa rae, ma lele uẹ khian.”

Iyẹn ne ọ Maan Ọghe Luk 18:8

Ne I tama uwa, ọ gha zẹgiẹ do buohiẹn ne iran. Sokpan Ovbi Ọmwa gha rre, ọ gha miẹn iyayi vbe agbọn?”

Iyẹn ne ọ Maan Ọghe Luk 22:33

Pita wanniẹn wẹẹ, “Nọyaẹnmwa, mẹ mu egbe ne I ya lele uẹ la eghan ra ne I wu lele uẹ.”

Iyẹn ne ọ Maan Ọghe Jọn 1:47

Ugbẹn vbe Jesu ghi bẹghe Nataniẹl Vbe ọ bu ẹre dee, ọ wẹẹ, “Ghe Ovbi Izrẹl vbe ẹmwata, ẹko ne ero i ye.”

II Kọrinti 12:11

Te I ghi ru emwi vbe akpa, sokpan wa ọre ọ si ẹe yọmwẹ egbe. Wa ọre ọ te kei ne ọ gha so igie ye ẹmwẹ ne egbe mwẹ. Rhunmwuda, gie a kha I gele zẹdẹ mwẹ esa ne I ye, emwi ne avbe “Ogiete” ukọ uwa ni ya sẹmwẹ ẹ i rrọ.