Itan 20:20 - Edo Bible (E Baibol Ẹdo) Version 1996

²⁰ U gha tie ihẹn ne avbe evbibiọ, te ẹdagbọn ruẹn ra wa fo zẹvbe ukpa ne ọ dọyọ vbe ebiebi.

Itan 20:20 ပူးပေါင်းရင်းမြစ်များ

Job 18:18

A gha khu ẹe fua hin otọ emwa ni rre agbọn, a ghi khu ẹe fua vbe uwanmwẹ la ebiebi.

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Ẹksọdọs 21:17

“Omwa ne ọ tie ihẹn ne erha zẹẹ rha iye zẹẹ, te a gha gbe ẹe rua.

Itan 13:9

Te emwa ẹmwata ye vbe ukpa ne ọ baa ẹsẹse, sokpan, emwa dan keghi ye vbe ukpa ne ọ ghi ra dọyọ.

Itan 20:21

Adeghẹ ọ ma lọghọ ọ u ke miẹn ẹfe ruẹ, ẹ i ra vbe mobọ maa nuẹn.

Itan 24:20

Umamwẹ i rrọ ne ọmwa dan, emwi ne ọ vbe rhie aro yi i rrọ.

Itan 30:11

Emwa eso rrọ ni tie ẹbọ ne erha iran, iran i vbe rẹn ẹse ne iye ru ne iran.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Levitikọs 20:9

E Nọyaẹnmwa keghi mu avbe emwamwa na ye otọ: “Ọmwaikọmwa ne ọ tie ihẹn ne erha ẹe ra iye ẹe, a ghi gbe ẹe rua, obọ ẹre ọre emwi ne ọ gbe ẹe ke rre.

Matiu 15:4

Rhunmwuda Osanobua khare wẹẹ, ‘Ya ọghọ ne erha a kevbe iyuẹ’ kevbe wẹẹ, ‘Ọmwaikọmwa ne ọ kpa unu ghe erha e ra iye ẹe, te a gha gbẹe rua.’

Matiu 22:13

Ẹkpo nii ọre ọba ghi na khama avbe eguọmwadia ẹre wẹẹ, ‘Wa gba ẹre obọ gba ẹre owẹ, ne uwa mu ẹn fi uwu ebiebi vbe ore, ne ọ ya gha viẹ egbe kevbe ne ọ ya gha rri akọn vbe evba.’ ”

Matiu 25:8

Iran ni kọẹn ni rrọọ keghi khama iran ni waan wẹẹ, ‘Wa sa ne ima vbe ofigbọn ọghe uwa rhunmwuda, ukpa ima ra dọyọ.’

Diuteronomi 27:16

“ ‘Ihẹn Osanobua rre uhunmwu ọmwa ne ọ ma ya ọghọ ne erha ẹe ra iye ẹe.’ “Emwa ni hia ghi kha wẹ, ‘Isẹ!’

Ebe ne Jud gbẹẹn 1:13

Iran ye vbe ogbigbi amẹ a kuọkan, ọghe okun, vbene uyinmwẹ efa iran na rhiegbe ma zẹ vbe ihu. Iran ye vbe orhọnmwẹ ni hẹ yo hẹ rre, emwa ne Osanobua rhie ihe ye otọ khẹ nẹ, vbe uwu ebiebi ne ọ dinmwi sẹẹ.