Itan 20:2 - Edo Bible (E Baibol Ẹdo) Version 1996

² Lẹ ne ọba ne ohu mu, zẹ vbene u gha lẹ ne oduma ne ọ tu utumwẹ ohanmwẹ. Ọmwa ne ọ ya ohu mu ẹẹn ọ re ọ gbe egbe ẹre.

Itan 20:2 ပူးပေါင်းရင်းမြစ်များ

I Ọba 2:23

Ẹre Solomọn na yan wẹẹ, “Te Osanobua gha kinmwi mwẹ gbe ua a deghẹ ima ru ẹe ne Adonaija ye uhunmwu khiọ emwi ne ọ nọ rẹn na!

I Ọba 2:24

E Nọyaẹnmwa gbe mwẹ ẹkun sẹ otọ nẹ vbe ẹkete e Devid ne erha mwẹ, ọ mu eyan ne ọ yan rẹn sẹ nẹ, ọ mu arriọba nii ne imẹ kevbe avbe ivbi mwẹ nẹ. I ya eni e Nọyaẹnmwa yan we ẹdẹnẹrẹ na ọre Adonaija miẹn agbọn sẹ?”

Itan 19:12

Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Asan-Ibo 10:4

Adeghẹ ọmwa ne ọ khaemwisẹ yan ruẹn mu ohu ruẹ, ghẹ wa gbẹn ebe I i ghi winna mu gie ẹe. A sẹtin wa ye abakuru nọkhua bọ ọmwa adeghẹ ọ ma balegbe.

Hozia 11:10

“Emwa mwẹ gha lele mwẹ vbe I gha van mu avbe eghian iran nẹ zẹ vbe oduma. Iran gha ke odẹ orrie rhulẹ bu mwẹ gha dee.

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Habakọk 2:10

Sokpan, uma ne uwa si si efa ye ẹgbẹe uwa egbe nẹ. Rhunmwuda, ne uwa na dunmwu uhunmwu ẹvbo ni bun uan, te uwa si ọfuan ye egbe uwa egbe.

Nọmbas 16:38

Iran khian emwi iruemwi vbe a viọ iran gha die aka e Nọyaẹnmwa. Rhunmwuda onii viọ ọkpan ọghe avbe emwa na ne a gbele ye ẹmwẹ orukhọ iran, dunmwu ẹn ya khian avbe ọkpan fẹrhẹfẹrhẹ ne u yae gha gue aka. Ọ na ghi gha re ne a miẹn wan ne ivbi Izrẹl.”