Itan 20:13 - Edo Bible (E Baibol Ẹdo) Version 1996

¹³ U gha zẹdẹ vbiẹ, u gha khian ovbiogue. Gha winna vbe ẹghẹ hia, u gha miẹn evbare re ọwọrhọwọrhọ.

Itan 20:13 ပူးပေါင်းရင်းမြစ်များ

Itan 10:4

Ogue ọ re oroho si ye ọmwa egbe, sokpan, a ye obọ mu, ọ re ẹfe la rre.

Itan 12:11

Ọwẹe ne ọ winna ẹse ghi gha mwẹ evbare ne ọ kpọ kua sokpan, ukọnmwẹ nọ ne a ya gha mu ẹghẹ rhia ye iwinna ne ẹ i mwẹ ere.

Itan 13:4

Vbene emwi a ya khọn ọmwa oroho sẹ, ẹ i sẹ ọre obọ. Ọmwa ne ọ mu aro ye iwinna, emwi ne ọ rhirhi a gha ho hia, ọ re ọ sẹ ọre obọ.

Itan 19:15

Mu aro yọ ne u gha si oroho khian, gha vbiẹ, sokpan, ohanmwẹ gha fi ẹkun leluẹ.

Itan 20:14

Ọmwa ne ọ dẹ emwi ghi gha gui wẹ emwi ghan gbe, sokpan, ọ ghi ke evba ladian ya gha rhuọ ighe a i ta vbene irẹn guara dẹ emwi hẹ ẹre.

Itan 28:19

Ọwẹe ne ọ mu aro ye iwinna ghi miẹn gha re wọrhọwọrhọ, ọmwa ne ọ rhọ eghẹrẹ, i kpao vbe ovbiogue rre ẹdẹ.

Itan 31:15

Ẹdẹ i he gbe vbe ọ kpaegbe ya gha le evbare ne emwa owa ẹre, kevbe ne ọ vbe tama avbe eguọmwadia ikhuo ni gue ẹe iwinna ne iran gha winna.

Jona 1:6

Ọka oziguẹ keghi miẹn ọẹn vbe evba, ọ tama rẹn wẹẹ, “Vbe u a ru yi, te uwẹ vbiẹ? Kpaegbe, ne u tu tie Osanobua ruẹ wẹ ne ọ bu rre. U ghaghe ohan mwa gha to ẹe, ọ ghi gie ima miẹn uhunmwu.”

Ebe ne Pọl gbẹẹn gie emwa Rom 12:11

Wa kakabọ gha winna, wa ghẹ so oroho, wa gha ya ekhọe ne ọ vuọn ne oyọnyọn ga Nọyaẹnmwa.

Ebe ne Pọl gbẹẹn gie emwa Rom 13:11

Ọ kere ne uwa gha ru vbenian, rhunmwuda, wa rẹn vbene ẹghẹ kha hẹ na, ẹghẹ sẹ ne uwa gha ya rhiọrre vbe ovbe. Rhunmwuda, ẹghẹ ne a gha ya miẹn ima fan, ẹghẹ na ọre ọ na sikẹ otọ sẹ vbene ọ ye ẹghẹ ne ima na da yayi.

I Kọrinti 15:34

Wa dọlegbe rhie ẹwaẹn ye uhunmwu, ne uwa zobọ vbe orukhọ ne uwa ru. Te I ta ẹmwẹ na ne emwi ekhue uwa, eso vbe uwu uwa ma rẹn Osanobua.

Ẹfisọs 5:14

Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”

II Tẹsalonaika 3:10

Ẹghẹ ne ima na gha rre ehe ne uwa ye, ma ta ẹe ma uwa wẹ, “Ọmwa ne ọ ma ho ne ọ winna, a ghẹ gi ẹe rri evbare.”