Itan 20:11 - Edo Bible (E Baibol Ẹdo) Version 1996

¹¹ Ọvbokhan sẹtin rhie egbe ọmwa ne irẹn khin ma vbekpa vbene ọ ru emwi hẹ, wẹ gha wa rẹn a dẹghe ọmwa esi ne ọ ta ẹmwata ọ re nọ.

Itan 20:11 ပူးပေါင်းရင်းမြစ်များ

II Krọnikol 34:3

Ọ ghi rre ukpo erẹnrẹn ne Josaia rriọba, vbe ọ he wa rre ọvbokhan, ọ keghi suẹn gha ga Osanobua ọghe Devid ne ọba ne erha ẹe odede. Ọ ghi rre ukpo ne ogienẹ, ọ keghi suẹn gha guọghọ aro ẹbọ kua, amazẹ Asiẹrra ne ẹbọ ne okhuo kevbe avbe amazẹ nekpa hia fẹẹrẹ.

Psalm 51:5

Emwi dan ọ re I wa khin, kevbe ne a ya biẹ mwẹ gha dee, I keghi wa vuọn ne orukhọ ke ẹdẹ ne a biẹ mwẹ kpao.

Psalm 58:3

Emwi dan, ọ re avbe emwa dan, wa ya ẹdagbọn iran hia ru. Ẹdẹ ne a biẹ iran, ọ re iran ke ta ohoghe.

Itan 20:12

E Nọyaẹnmwa rhie aro ne ima nẹ ne a ya gha bẹghe, kevbe ehọ ne a ya gha họn ẹmwẹ.

Itan 21:8

Odẹ ne ọ gọe ọ re emwa ni rri abe la, emwa ni ma rri abe ghi gha ru vbene ọ kere.

Itan 22:15

Obọ ibiẹka ọ re a na miẹn uyinmwẹ iruẹn kevbe ukọnmwẹ, sokpan, ubi ne a dan ọmọ re vbe ikebe, gha ma iran vbene ọ kere ne a gha ru emwi hẹ.

Matiu 7:16

Uyinmwẹ iran ọre uwa gha ya rẹn iran. Ọkhuẹnkhuẹn i mọ azara ra ne ogigban mọ ohọ.

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

Iyẹn ne ọ Maan Ọghe Luk 1:66

Emwa ni họn ẹn hia kegha rria ẹre wẹ, “De emwi ne ọmọ na ra khian?” Rhunmwuda aro dae wẹ ẹtin Nọyaẹnmwa gu ẹe rrọọ.