Itan 2:3 - Edo Bible (E Baibol Ẹdo) Version 1996

³ Ẹn, gha vbu irẹnmwi vbe obọ ọmwa, rinmwian wẹ ne u sẹtin gha ghe umian emwi.

Itan 2:3 ပူးပေါင်းရင်းမြစ်များ

I Krọnikol 22:12

Te Nọyaẹnmwa ne Osanobua ruẹ gha rhie irẹnmwi kevbe ẹwaẹn ne uẹn ne u miẹn ehe na gha khaemwisẹ yan ivbi Izrẹl vbe odẹ ne ọ gua Uhi ẹre ro.

Psalm 119:125

Ọguọmwadia ruẹ mẹ khin; rhie irẹnmwi mẹ, ne I miẹn ehe na rẹn otọ iruẹmwi ruẹn.

Psalm 119:169

Gie utumwẹ ne I ya nọ iyobọ, sẹ ehọ ruẹ Nọyaẹnmwa, rhie irẹnmwi mẹ zẹ vbene u yanrẹn.

Psalm 119:34

Rhan otọ uhi ruẹ ma mwẹ, mẹ gha vbe ya ẹe gha ru emwi vbe ẹghẹ hia, I gha ya ekhọe mwẹ hia, ya ẹe ru emwi.

Psalm 119:73

Wẹ ọ re ọ yi mwẹ, u kevbe rhie mwẹ lẹre; rhie irẹnmwi mẹ, ne I sẹtin ruẹ uhi ruẹ.

Itan 2:2

Gha danmwehọ ẹmwẹ ewaẹn, u ghi vbe gha hia ne u rẹn emwi ne a ya ẹe kha.

Itan 2:4

Ye ẹtin hia gualọ ẹe, vbene u gha ya gualọ esiliva ra emwi ighobioye ne a rhie lẹre.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

Itan 4:1

Ivbi mwẹ, wa gha danmwehọ emwi ne erha uwa ma uwa ẹre. Gbe ehọ kotọ, u gha vbe gha mwẹ irẹnmwi.

Itan 8:17

I ho ẹmwẹ iran ni ho ẹmwẹ mwẹ, ọmwaikọmwa ne ọ gualọ mwẹ gha miẹn mwẹ.

Iyẹn ne ọ Maan Ọghe Luk 11:13

Vbene uwa ghi vbe rhia sẹ, wa rẹn ya gha viọ emwi esi ne ivbi uwa. Vbe uwa ghi ye Erha uwa ne ọ rre ẹrinmwi khẹ, ẹ i re te ọ gha rhie Orhiọn Ne Ọ Huanrẹn ne iran hia ne ọ vbu vbe obọ ẹre!”

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.