Itan 2:2 - Edo Bible (E Baibol Ẹdo) Version 1996

² Gha danmwehọ ẹmwẹ ewaẹn, u ghi vbe gha hia ne u rẹn emwi ne a ya ẹe kha.

Itan 2:2 ပူးပေါင်းရင်းမြစ်များ

Psalm 90:12

Ma ima re, vbene ẹdagbọn mwa kanmwa sẹ hẹ ne ima miẹn ehe na gha mwẹ ẹwaẹn.

Itan 18:1

Emwa ne ẹ i gu emwa ọvbehe ro, enegbe iran okpa ọ re iran rẹnrẹn; emwa hia gha rhe rẹn wẹ emwi ne ọ gbae nene emwi khin, iran ghi wẹ, ẹn o.

Itan 2:3

Ẹn, gha vbu irẹnmwi vbe obọ ọmwa, rinmwian wẹ ne u sẹtin gha ghe umian emwi.

Itan 23:12

Gha danmwehọ ọmwa ne ọ ma ruẹn emwi ne u ruẹ emwi hia ne u gha sẹtin ruẹ.

Itan 4:1

Ivbi mwẹ, wa gha danmwehọ emwi ne erha uwa ma uwa ẹre. Gbe ehọ kotọ, u gha vbe gha mwẹ irẹnmwi.

Itan 4:20

Ovbi mwẹ, gha rhie ehọ ye ẹmwẹ ne I ta. Gha danmwehọ ẹmwẹ mwẹ.

Itan 6:32

Sokpan ọmwa ne ọ ru ọghe i zẹdẹ wan hiehiere. Te ọ wa gbe egbe ẹre khian nii.

Asan-Ibo 7:25

Sokpan, mẹ keghi wa mu aro ye ẹmwẹ irẹnmwi kevbe emwi ne a ruẹ, I keghi wẹ te I gha gualọ ẹwaẹn miẹn, ne I vbe rhie ewanniẹn ye avbe ọta ne I nọ hia; kevbe ne I rẹn vbene ezurọ re emwi ukọnmwẹ kevbe emwi dan hẹ.

Asan-Ibo 8:16

Ẹghẹikẹghẹ ne I ya ho ne I gha wan, kevbe ne I vbe rẹn emwi ne ọ khian vbe agbọn na, I ghi miẹn wẹ ọmwa sẹtin rhan aro ua ye ukpo kevbe asọn kevbe avan.

Asan-Ibo 8:9

Ẹghẹ ne I na gha roro ẹmwẹ emwi ne a ru vbe agbọn na, ọ re I na miẹn emwi na hia; agbọn na ne emwa eso na wa mwẹ ẹtin, emwa ọvbehe ghi gha sẹ usẹ lele iran.

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Matiu 13:9

Jesu keghi kha wẹ, “Ne ọ mwẹ ehọ, giee họn.”

Iwinna 17:11

Emwa ni rre ẹvbo na ọre ẹdẹ gbe vbe ẹko sẹ iran ni rre Tẹsalonaika. Iran keghi wa gbe ẹkun sẹ otọ gha danmwehọ ikporhu nii, iran kegha tie Ebe ẹsẹse gualọ otọ ẹre ne iran miẹn ehe na rẹn a deghẹ ẹmwata ọre ẹmwẹ ne Pọl tae khin.