Itan 2:1 - Edo Bible (E Baibol Ẹdo) Version 1996

¹ Ovbi mwẹ, gha ruẹ emwi ne I ma ruẹn re, ghẹ vbe mianmian emwi ne I tama ruẹn wẹ ne u gha ru.

Itan 2:1 ပူးပေါင်းရင်းမြစ်များ

Job 23:12

Emwi ne Osanobua tae ọ re I ru vbe ẹghẹ hia; emwi ne ọ ho ọre I ru, ẹ i re ọghomwẹ.

Psalm 90:12

Ma ima re, vbene ẹdagbọn mwa kanmwa sẹ hẹ ne ima miẹn ehe na gha mwẹ ẹwaẹn.

Itan 1:3

Iran gha sẹtin ma ruẹn vbene a ya ye ẹwaẹn yin agbọn hẹ, kevbe vbene a ya mwẹ uyinmwẹ a i zẹ ibeleku, ẹmwata kevbe a ya obọ ọkpa mu emwa hia hẹ.

Itan 28:7

Igbama ne ọ lele uhi ru emwi, umẹwaẹn nọ. Ọmọ ne ọ lele avbe emọ ni kẹkua khian, efaa ọ re ọ khin erha ẹe re.

Itan 3:1

Ovbi mwẹ, ghẹ mianmian emwi ne I ma ruẹn re. Gha ye emwi ne I tama ruẹn ne u gha ru rre vbe ẹghẹ hia.

Itan 4:1

Ivbi mwẹ, wa gha danmwehọ emwi ne erha uwa ma uwa ẹre. Gbe ehọ kotọ, u gha vbe gha mwẹ irẹnmwi.

Itan 4:10

Danmwehọ mwẹ ovbi mwẹ. Ẹmwẹ ne I tama ruẹn, gha kae ye uhunmwu emwi kpataki, u gha vbe tọ ẹsẹse.

Itan 6:21

Rhie ẹmwẹ iran mwẹ vbe ẹghẹ hia, kọ ẹe ye ekhọe ruẹ.

Itan 7:1

Ovbi mwẹ, ye ẹmwẹ ne I tae rre, ghẹ vbe mianmian ẹmwẹ ne I tama ruẹn, wẹ ne u ru.

Itan 8:1

Wa dọre! Ẹwaẹn gha datie emwa. Irẹnmwi vbe tọn urhu mu ne a họn,

Itan 9:1

Ẹwaẹn bọ owa ẹre nẹ, ọ keghi ru orre ihinrọn yọ.

Matiu 13:44

“Arriọba ẹrinmwi yevbe emwighobioye ne a rhie lẹre ye uwu oha. Ugbẹn vbe okpia ọkpa ghi domian miẹn ọẹn, ọ keghi hẹko dọlegbe zẹ ekẹn gue ẹre. Vbene ọ ghi ye ọre sẹ, ọ keghi wa ya khiẹn emwi hia ne ọ mwẹ, ọ ke ya dẹ ako oha ni.

Iyẹn ne ọ Maan Ọghe Luk 2:19

Meri ma mianmian avbe emwi na, ọ keghi hẹko gha rria iran vbe ekhọe ẹre.

Iyẹn ne ọ Maan Ọghe Luk 2:51

Jesu keghi lele iran dọlegbe gha rrie Nazarẹt, ọ kegha họn ẹmwẹ ne iran. Iye ẹe keghi ye emwi na hia ẹro.

Iyẹn ne ọ Maan Ọghe Luk 9:44

Ehe ne emwa hia na yan unuan ye emwi ne Jesu ru na, ọ khama avbe erhuanegbe ẹre wẹẹ, “Wa ghẹ mianmian ẹmwẹ ne I ra tama uwa na. A ra gba Ovbi Ọmwa rhie fi emwa ne agbọn obọ!”

Diuteronomi 30:13

Vbe rriọ ẹ i vbe re iyeke okun nọkpa ọ re ọ ye amawẹ wa gha kha wẹẹ, ‘Gha ọ ghi ra fian okun rra ne ọ ya rhie ẹre gie ima, ne ima miẹn ehe na họn ẹẹn ne a vbe gha ya ẹe ru emwi?’ Ẹ i re erriọ,

I Timoti 1:15

Ẹmwẹ ẹmwata ne ọ re ne a gha wa rhan obọ miẹn, ne avbe yae ẹe yi nọ wẹẹ: Te Kristi Jesu rrie agbọn, ne ọ do miẹn emwa oru khọ fan: Mẹ ọrọre ọka ẹrhia ne ọ rrọọ.