Itan 19:6 - Edo Bible (E Baibol Ẹdo) Version 1996

⁶ Emwa hia ọ re ọ ho ne iran gha re ọse okpọmwa, emwa hia ọ re ọ kha ighe ọse ọmwa ne ọ zẹ emwi obọ rẹn khin.

Itan 19:6 ပူးပေါင်းရင်းမြစ်များ

Gẹnẹsis 32:20

Wa ghi kha wẹẹ, ‘Ẹmwata nọ, e Jekọb ne ọguọmwadia ruẹ wa lele ima iyeke dee.’ ” E Jekọb keghi rorẹe wẹẹ, “I gha ya avbe emwi ihaoko ne I viọ ke odaro na fu ẹre ẹko rre. I gha ghi do vba ẹre, u gha ghe, ọ gha yabọ mwẹ.”

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

Gẹnẹsis 43:15

Ẹre iran nii na viọ emwi ihaoko nii kevbe igho ukhukhu eva, iran kevbe rhie Bẹnjamin ba egbe, iran na mu egbe, iran na gha rrie Igipt, iran na ya ye egbe ne Josẹf miẹn.

Psalm 45:12

Ivbi e Taia gha ha oko guẹ, emwa nii ni fe ghi gha gualọ aro nọ maa ọwuẹ.

Itan 16:15

Aro ne ọ maa ọghe ọba yevbe okuku amẹ ne ọ ye amẹ rhọ vbe ẹghẹ ahọ orhọ, uwa rre evba.

Itan 17:8

Emwa eso wa ro ighe te igho iyeke winna zẹ vbe ẹbo edunna; iran yayi wẹ ai miẹn emwi ne ẹ i gie ẹe ru.

Itan 18:16

A dẹghe u ho ne u miẹn ọmwa kpataki aro, ya emwi ha oko giẹe, ẹ i ra zẹdẹ lọghuẹ hiehiere.

Itan 19:12

Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Itan 21:14

Deghẹ ọmwa okpa mu ohu ruẹ, u ghi la ẹkhokho ha oko gie ẹe, ọ gha fu ẹre ekhọe rre.

Itan 29:26

Agbọn hia ọ re ọ ho ne ọmwa ne ọ rre asẹ gha ho ẹmwẹ ọnrẹn, sokpan obọ e Nọyaẹnmwa okpa ọ re a na mian ẹmwata.

Matiu 2:11

Ugbẹn vbe iran ghi la owa, iran keghi miẹn nene ọmọ kẹe kevbe Meri ne iye ẹe. Iran keghi diguẹ ya emwi nẹẹn, igoru, eturari kevbe oziya.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.