Itan 19:23 - Edo Bible (E Baibol Ẹdo) Version 1996

²³ Gha ye ọghọ ne Nọyaẹnmwa, u gha tọ, ẹko gha vbe vuọn ọn, u ghi vbe gha rrọọ vbe a i mwẹ ẹbe.

Itan 19:23 ပူးပေါင်းရင်းမြစ်များ

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 19:9

Ugamwẹ e Nọyaẹnmwa maa te ọ khian gha rrọọ ẹdẹdẹmwẹdẹ. Ẹmwata ọ re avbe ibu ohiẹn e Nọyaẹnmwa khin; emwi ne a ru ẹse wa nọ ẹghẹ hia.

Psalm 25:13

Agbọn gha ma iran ẹghẹ hia, ivbi iran gha vbe yan otọe nii.

Psalm 85:9

Vbe ẹmwata rẹn mu egbe, ne ọ miẹn iran ni ya ọghọ ne ẹẹn fan, aguọmwarrọ ne ọ miẹn ọmwa fan ọghọe gha gui ima yin otọe mwa.

Psalm 90:14

Ye ahoẹmwọmwa ruẹn ne ẹ i beghe vuọn ima owiẹ owiẹ, ne ima miẹn ehe na gha so ihuan, ne ọyẹnmwẹ vbe gha sẹ mwa vbe ẹdagbọn mwa hia.

Psalm 91:10

Rhunmwuda ọnii, ọkhọ rhọkpa i ra sunu vbe egbe ruẹ, ọfuan rhọkpa i ra vbe sikẹ owa ruẹ.

Psalm 91:16

I gha ya utọmwẹ san iran ẹse I gha miẹn iran fan.”

Itan 10:27

Gha ya ọghọ ne Nọyaẹnmwa, u gha tọ sayọ. Emwa dan i wu uwu ẹhi.

Itan 11:19

Ọmwa ne ọ mu aro yọ ne irẹn gha ru emwi esi, ọ gha rre agbọn, sokpan, ọmwa ne ọ wẹ emwi dan rẹn ra gha ru khian, ọ gha wu.

Itan 12:21

Emwi dan i sunu vbe egbe emwa esi, sokpan orueghe i fo vbe urhu emwa dan.

Itan 19:22

Ifaegbua nọ ne a gha zuan, ivbiogue ọ re ọ maa sẹ avbe ọhọn ohoghe.

Itan 22:4

Gha ya ọghọ ne Nọyaẹnmwa, gha mu egbe rri otọ, u gha miẹn ẹfe, uyi, kevbe utọmwẹ.

Itan 3:24

U i ra gha fian afianma vbe u a ra ya lovbiẹ, u ghi wa vbe vbiẹ khuẹrhẹ vbe asọn.

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Matiu 5:6

Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!

Iwinna 9:31

Ẹghẹ nii ọre egbe ghi na do rọkhọ esọsi ni rre Judia hia, kevbe Galili kevbe ni rre Sameria. Ọ kegha de igiẹ, ọ na gha muan yọ vbe ekpa iyobọ Orhiọn Ne Ọ Huanrẹn, ọ kegha rrọọ vbene ọ na ye uyinmwẹ ọnrẹn ya ọghọ ne Nọyaẹnmwa.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

II Timoti 4:18

Erriọ Nọyaẹnmwa gha yuo mwẹ hin uwu ọkhọ hia rre, ọ ghi rhie mwẹ gha rrie Arriọba ẹrinmwi ẹnrẹn vbe ne a i na mwẹ ẹbe. Uyi ọre ọghọe ẹdẹ kevbe ẹdẹdẹmwẹdẹ. Isẹ.