Itan 19:14 - Edo Bible (E Baibol Ẹdo) Version 1996

¹⁴ Ọmwa sẹtin miẹn ukhu owa kevbe igho re vbe obọ erha ẹe sokpan, e Nọyaẹnmwa okpa ọ re ọ rhie okhuo esi ne ọmwa.

Itan 19:14 ပူးပေါင်းရင်းမြစ်များ

Itan 18:22

Gualọ okhuo rhie, emwi esi ọ re u miẹn rhie; ọ rhie ma wẹ Nọyaẹnmwa wa ru uwẹ ẹse.

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 3:6

Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

II Kọrinti 12:14

Ukpo eha ọ na khin ne I khian he do miẹn uwa aro na sẹvba, I i ra ye vbe ya ye uwa egbe. Wa tobọ uwa ọre I gualọ ighẹ ẹ i re igho uwa. A deghẹ erriọ te nọ, emọ ọre ọ ma koko erha, ẹ i re erha ọre ọ koko emọ.

Diuteronomi 21:16

Okpia nii gha ra gha ukhu, wẹ ne ọ ghẹ gbe ghe obọ ọkpa ne ovbi amwebọ ẹre ne ọ ya viọ emwi ni khẹ ke ọmọ ọdiọn nii ne ẹẹn.

Jọsua 11:23

E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.

Gẹnẹsis 24:7

Nọyaẹnmwa, Osanobua ẹrinmwi kevbe agbọn ọre ọ rhie mwẹ ke owa erha mwẹ ladian hin otọ avbe etẹn mwẹ rre, ọ na vbe yan ma mwẹ ighẹ rẹn gha mu otọ na ne imẹ kevbe uniẹn mwẹ, ọ gha gie odibo ẹre ke odaro nuẹn ne u miẹn ehe na miẹn okhuo rhie ne ovbi mwẹ vbe evba.

Gẹnẹsis 24:44

A deghẹ ọ khare wẹẹ, “Miẹn ne u wọn, I gha vbe sa ne ekẹtẹkẹtẹ ruẹ,” gie ọnii gha re ọmwa ne u zẹe ne ọ gha re amwẹ ovbi arowa mwẹ.’