Itan 19:12 - Edo Bible (E Baibol Ẹdo) Version 1996

¹² Te ohu ọba yevbe utumwẹ oduma, sokpan, ọ gha ru ọmwa ẹse, ọ ghi ye vbe amẹ ne a rhie aro ye odẹ khẹ ọ ke do rhọ.

Itan 19:12 ပူးပေါင်းရင်းမြစ်များ

Gẹnẹsis 27:28

Te Osanobua gha rhie evbu ẹrinmwi nuẹn, ne ọ ya ugbo ruẹ khian ne ọ ma emwiokọ! Te ọ gha rhie ọka kevbe ayọn nibun nuẹn!

II Samuẹl 23:4

te ọ yevbe ovẹn ne ọ yunmwu vbe ẹdẹ ne amẹ ma bi ovẹn ne ọ ye ebe fi wainwain vbe amẹ a rhọ nẹ.”

Ẹsta 1:12

Sokpan, avbe odibo ghi ya tama e Vasti ne Oloi vbene ọba khare, ọ na wẹ rẹn i dee. Emwi na keghi mu ọba ohu ẹsẹse.

Ẹsta 7:8

Rẹn ghi wa deguo ye aga nọkhua ne Ẹsta tota yi ne ọ rinmwian ẹn wẹ ne ọ tohan irẹn. Ọba na wa dọlegbe ke uwu ogba la owa, Ọba ghi wa bẹghe ẹre vberriọ ọ keghi datu wẹẹ, “Te oko na ra wa vbe sirra mwẹ gha mu Oloi yagha vbe ehe ne imẹ ye vbe ẹguae mwẹ ra?” Ọba ma he ta ẹmwẹ na fo vbe avbe ọghẹrriẹnoguan mu emwi gue Haman uhunmwu.

Psalm 133:3

Ọ yevbe evbu ne ọ tuo vbe Oke Hẹmọn, ne ọ tuo ye avbe oke Zaiọn. Evba nii i ọ re Nọyaẹnmwa na ve afiangbe ẹre, agbọn ne ẹ i mwẹ ọfo.

Psalm 72:6

Te ọba gha yevbe amẹ ne ọ rhọ ye ugbo, zẹ vbe okpamẹ ne ọ rhọ ye otọe.

Itan 20:2

Lẹ ne ọba ne ohu mu, zẹ vbene u gha lẹ ne oduma ne ọ tu utumwẹ ohanmwẹ. Ọmwa ne ọ ya ohu mu ẹẹn ọ re ọ gbe egbe ẹre.

Itan 28:15

Ivbiogue i miẹn ẹmwẹ guan vbe odaro enọkhaemwisẹ ne ọmwa dan, ọ zẹ ẹbe sẹẹ oduma ne ọ tu ye evbare kevbe akpakomiza ne ọ ru ohuẹ khian.

Asan-Ibo 8:4

Asẹ ọ re ọba ya ru emwi, a i vbe miẹn ne ọ nọ rẹn wẹ vbe u a ru na.

Aizaia 18:4

E Nọyaẹnmwa tama mwẹ wẹẹ, “I gha hẹko gbaro ghe otọ ke ẹrinmwi rre zẹ vbene evbu ya si koko vbe asọn vbe ẹghẹ emwiorhọ nọ mwẹ ọghae kherhekherhe kevbe zẹ vbene ovẹn gbe ẹkun sotọ yunmwu vbe ẹghẹ ogiavan.

Daniẹl 5:19

Ọ kpọlọ sẹ vberriọ wẹ emwa ẹvbo hia, emwa ughughan hia kevbe ẹvbo ne a zẹ hia, kegha muohan rẹn, iran kegha guọ ne ẹẹn. Ọ gha wẹ rẹn gha gbe ọmwa, ọ ghi gbe ẹe, ọ gha wẹ rẹn gha fan ọmwa, ọ ghi fan ẹẹn. Rẹn ọ re ọ mu ọghọ ye ọmwa egbe, rẹn ọ re ọ vbe fa ọmwa an vbene ọ khọn rẹn.

Daniẹl 6:24

Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Hozia 14:5

I gha ye vbe amẹ ne ọ rhọ ye otọe nọkae ne ivbi Izrẹl, iran gha vẹ gba ehe hia zẹ vbe obobo. Inian iran gha deziẹn vbe otọ zẹ vbe avbe erhan e Lebanọn.

Maika 5:7

Ivbi Izrẹl ni miẹn uhunmwu vbọ, gha yevbe evbu ne ọ fu ọmwa egbe rre ne Nọyaẹnmwa gie gie uhunmwu ẹvbo nibun, zẹ vbe amẹ ne ọ rhọ yan emwiokọ ne ọ da zọ dee. Iran gha ye egbe yan Osanobua ighe ẹ i re ọmwa kẹkan.

Diuteronomi 33:28

Ẹre ivbi e Jekọb na gha rrọọ vbe ọfumwegbe ọ kevbe gbe ẹkun sẹ otọ vbe otọ ne ọka kevbe ayọn na kpọ ehe ne iso na gie evbu gha tue ye otọ.