Itan 19:11 - Edo Bible (E Baibol Ẹdo) Version 1996

¹¹ U gha re ọmọ ne ọ wan, u gha ziengbe vbe ohu a gha mu ẹn. Ọmwa gha ruẹ emwi ne ọ ma kei, uyinmwẹ ọmẹguae nọ adeghẹ u yangbe ẹe.

Itan 19:11 ပူးပေါင်းရင်းမြစ်များ

II Ọba 5:12

Yevbe sẹ ọnii, avbe Abana kevbe Fapa ne ẹzẹ nii rre e Damaskọs vbe owa, maa sẹ ẹzẹ ke ẹzẹ vbe Izrẹl, mẹ ghẹ ghi ya khuẹ vbe enii ne egbe rran mwẹ.”

Itan 11:13

A i ta ẹmwẹ uma ma ọmwa ne unu bọbọ, sokpan, u sẹtin ye egbe yan ọmwa ne ọ gia mu ẹtin yan.

Itan 12:16

Ohu gha mu akpa, ọ ghi wa rhie ẹre ma ẹgiẹgiẹ. adazẹ i zẹ ye ẹmwẹ ihẹn.

Itan 14:29

Adeghẹ wẹ hẹko zin egbe, ọmẹwaẹn ọ re u khin, egbe gha balọ ọ, te u rhie ma kẹkan vbene u kọn sẹhẹ.

Itan 15:18

Ibalegbe ọ re ọ si imuan ẹmwẹ rre, sokpan, te izin egbe rhie ọfumwegbe rre.

Itan 16:32

Ọmwa ne ọ ziengbe ọ re ọ maa sẹẹ ne ọ hẹ ẹtin. Ọmwa sẹtin kha yan egbe ẹre ọ re ọ maa sẹẹ ọ kha yan okpẹvbo.

Itan 17:14

Omuhẹn imuanmwẹ, te ọ yevbe ehe ne ekẹn ne a gbe khiọ orogho amẹ na ha uvun, zẹgiẹgiẹ ran rẹn ọ te fannọ uan.

Itan 20:22

Ghẹ wa kha wẹ u ra ya rria ikhi ne egbe ruẹ. Mu ẹtin yan e Nọyaẹnmwa, ọ gha dọlọ ẹe yi.

Itan 20:3

Ọzuọ ikọzuọ sẹtin suẹn imuaẹmwẹ; uyinmwẹ enọrẹn enegbe ọrọre ne a ghẹ mwẹ obọ vbọ.

Itan 25:21

Ohanmwẹ gha gbe oghian, rhie evbare nẹẹn re, ovbamẹ gha gbẹe, sa amẹ nẹẹn wọn.

Itan 29:11

Te avbe akpa wa rhie ohu iran ma ne agbọn hia miẹn, sokpan avbe umẹwaẹn ghi hẹko zin egbe, iran ghi gbe ibiẹ rrie.

Ẹfisọs 4:32

Sokpan, wa gha mwẹ itohan kevbe ekhọe agiẹngiẹn da egbe, wa vbe gha ya bọ egbe, zẹ vbene Osanobua vbe la ekpa Kristi yabọ uwa.

Jems 1:19

Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.