Itan 18:5 - Edo Bible (E Baibol Ẹdo) Version 1996

⁵ Emwi ne ọ ma gba nọ ne a ya ma ọmwa ne ọ rriabe vbe ne a ma na rhie ase ne ne ọ rria ase.

Itan 18:5 ပူးပေါင်းရင်းမြစ်များ

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Psalm 82:2

“Wa dobọ ohiẹn ai ta ẹmwata ne a bu yi, wa ghẹ ghi bu ohiẹn ikpanro ne avbe emwa dan!

Ẹksọdọs 23:2

Ghẹ ye egbe ba emwa ra emwi dan rhunmwuda ighẹ iran bun, a gha gui ẹzọ, ghẹ sẹ osẹe ne ẹi gie a miẹn otọ ẹmwẹ rhunmwuda ne emwa nibun sẹ miẹn ehe na gha ghe ruẹ ẹse.

Ẹksọdọs 23:3

Ghẹ vbe zẹ ovbiogue ẹkpe vbe a gha bu ohiẹn ọnrẹn.

Ẹksọdọs 23:6

“A gha gui ẹzọ ivbiogue vbe uwu uwa wa ghẹ khiẹn ohiẹn bu gbe ẹe.

Itan 17:15

Na a bu abe gbe ne ọ ma rria abe kevbe ne a fan ne ọ rria abe fua, osọnnọ ehia khin vbe odaro e Nọyaẹnmwa.

Itan 17:26

Ọ ma kei ne a gha rri ọmwa ne ọ ma rri abe uhi, a gha rri ẹmwata oya, te a khiẹn ohiẹn bu.

Itan 24:23

Avbe emwa ẹwaẹn ọ re ọ vbe guan avbe ẹmwẹ na. Emwi ne ọ ma gba nọ ne ọmwa ne ọbuohiẹn ka gha mwẹ ẹmwẹ nii vbe ekhọe nẹ.

Itan 28:21

Ohiẹn ikhuiwu i maa. Sokpan, enibuohiẹn eso gha ru emwikemwi ne ọ ma gba, sokpan ne ọ miẹn igho odieke ne ọ kanmwa sẹẹ re vbọ.

Itan 31:5

Iran gha da ayọn, iran ghi mianmian uhi, iran i ghi vbe ye emwi ne ọ khẹke avbe ivbiogue rre.

Aizaia 5:23

Sokpan, wa gha rri igho odieke kherhe nẹ, wa ghi fannọ emwa ni rri abe kua, wa ighi gie ne ọ ma rukhọ miẹn ibuohiẹn ẹmwata ne ọ khẹke ẹe.

Aizaia 59:14

A khu ohiẹn ẹmwata fua, emwi ne ọ kere i sẹtin sikẹ ọmwa. Ẹmwata rrua owẹ vbe ughe, uyinmwẹ ne ọ diae i vbe miẹn otọ tota yi vbe evba.

Levitikọs 19:15

Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Maika 3:9

Wa danmwehọ, wa ni khaemwisẹ yan Izrẹl, wa ni khuiwu ohiẹn ẹmwata, ne uwa na vbe ya emwi ne ọ gbae khian ne ọ ma gba.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Matiu 22:16

Iran keghi rhunmwuda ọnii gie eso vbe uwu avbe erhuanegbe iran ba avbe igbesa Hẹrọd bu Jesu gha khian. Iran tama rẹn wẹẹ, “Ọmwa ẹmwata ọre ima rẹn ruẹn yi, ẹmwata ne ọ rre vbene Osanobua mu ẹmwẹ ẹdẹ agbọn emwa ne agbọn yi, ọre u ma emwa re, vbe ne u i na vbe lele ne agbọn khare, rhunmwuda ighe osi ẹrrẹe ọghe ukpo ne ọmwa ye, ẹ i si ọ.

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.