Itan 18:4 - Edo Bible (E Baibol Ẹdo) Version 1996

⁴ Ẹmwẹ ne unu ọmwa, sẹtin gha re ehe ne ẹwaẹn ke rre, ne ọ dinmwi vbe okun, ne ọ furre zẹvbe amẹ ezẹ ne ọ lẹ.

Itan 18:4 ပူးပေါင်းရင်းမြစ်များ

Psalm 78:2

I gha ya ẹmwẹ ẹwaẹn rhan otọ emwiọkpaodin ni gberra nẹ.

Itan 10:11

Ẹmwẹ ne unu ọmwa esi, isi a rrọọ nọ. Sokpan, ẹmwẹ ne unu ọmwa dan rhie egbe ọkhọ ma.

Itan 13:14

Emwi ne ọmẹwaẹn ma ọmwa re, uhunmwu uwa ne a rrọọ ke rre nọ, iran gha ru iyobọ ne uẹn ne u ya lẹfe vbe u a gha rre uwu ẹbe uwu.

Itan 16:22

Uhunmwu uwa ẹfe ọ re ẹwaẹn khin ne umẹwaẹn, sokpan, ne a gha hia ne a ma avbe akpa emwi, te a mu ẹghẹ rhia kẹkan.

Itan 18:3

Orukhọ kevbe efaa ọ re ọ gba khian. U gha mu ọghọ ne egbe uẹ fua nẹ, ozan ọ re u ghi ra rhie ye ihe ẹre.

Itan 20:5

Iro ne ọ rre ọmwa ẹko, te ọ yevbe amẹ ne ọ rre uhae ne ọ dinmwi, sokpan ọmwa ne ọ sẹtin ghe umian emwi gha sẹtin sa ẹe ladian.

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Kọlose 4:6

Wa gie ẹmwẹ uwa gha re ne ọ maa kevbe ne ọ rhiẹnrhiẹn vbe ehọ ẹghẹ hia, wa ghi vbe gua ra gha rhie ewanniẹn ne ọ gua ẹe ro ne emwa hia.