Itan 18:3 - Edo Bible (E Baibol Ẹdo) Version 1996

³ Orukhọ kevbe efaa ọ re ọ gba khian. U gha mu ọghọ ne egbe uẹ fua nẹ, ozan ọ re u ghi ra rhie ye ihe ẹre.

Itan 18:3 ပူးပေါင်းရင်းမြစ်များ

Nehimaia 4:4

Mẹ keghi na erhunmwu wẹẹ, “Họn vbene iran ya ima gbe ogie hẹ, Osanobua. Gie ogie ne iran gie ima ẹre vbiẹ iran tobọ iran egbe. Gie oyi hẹ emwi ne iran mwẹ hia, ne a vbe viọ iran oghunmwu gha rrie ẹvbo ẹrrẹ.

Psalm 69:20

Ihẹn ne iran tie ya ekhọe mwẹ rhia, emwi hia wa khan mwẹ. Te I te rhie aro ye itohan, sokpan I ma miẹn, I te rhie aro ye egberọkhọmwẹ sokpan, ọ ma sẹ mwẹ obọ.

Psalm 69:9

Vbe ne I mu aro ye ẹmwẹ Ọgua Osa ruẹ hẹ giẹn vbe uwu imẹ zẹ vbe erhẹn, unu ne a filo guẹ hia dele yan mwẹ.

Itan 11:2

Emwa ni tọn egbe mu gha fa egbe ua wan, aro emwi uhẹn uhẹn ọ re ẹwaẹn ye sẹ.

Itan 13:5

Ohoghe ne a ta i yẹ emwa ẹmwata, sokpan, ẹmwẹ ne unu emwa dan, ne ọ mu ekhue kevbe ne ọ fa ọmwa ran ọ re nọ.

Itan 18:2

Ọzuọ i zẹyọ deghẹ ọ rẹn otọ nene emwi ra ọ ma rẹn ọnrẹn, emwi ne irẹn ho ọrọre ne ọ rhie ma emwa hia wẹ okpia ne okpia rẹn khin.

Itan 18:4

Ẹmwẹ ne unu ọmwa, sẹtin gha re ehe ne ẹwaẹn ke rre, ne ọ dinmwi vbe okun, ne ọ furre zẹvbe amẹ ezẹ ne ọ lẹ.

Itan 22:10

Wa yuo ọmwa ne ọ ya obọ rra ẹwẹe ọre fua vbe imuan ẹmwẹ, ẹzọ, kevbe ovan ne a tie egbe re ghi fo vbe otọ.

Itan 29:16

Emwa dan gha rre asẹ, a rra uhi ghi gha biẹ yọ. Sokpan, ọmwata gha tọ miẹn iyeke emwa vberriọ.

I Pita 4:14

Ọ ma kaan uwa, adeghẹ a rhovbiẹ uwa rhunmwuda ighẹ wa re eguọmwadia Jesu, rhunmwuda, ọnii rhie maa wẹ, orhiọn uyi nii, ighẹ Orhiọn Osanobua, tuorre yan uwa nẹ.

I Pita 4:4

Wanwanna nian, te ọ ghi yan iran ni ga ẹbọ unu uan ighẹ wa i ghi gu iran mwẹ obọ vbe uyinmwẹ akuọkan kevbe epiankhanrhan nii, iran ghi gha ye ukpẹ sakan uwa.

I Samuẹl 20:30

Ohu e Jonatan keghi wa kakabọ mu e Sọl. O tama rẹn wẹẹ, “Wẹ ne a ma biẹ ẹse na, I rẹnrẹn ighẹ uma ọkpa ọ re uwẹ vbe Devid gha ye, u na gha fa egbe ruẹ kevbe nene iye uẹ nii u an.