Itan 18:22 - Edo Bible (E Baibol Ẹdo) Version 1996

²² Gualọ okhuo rhie, emwi esi ọ re u miẹn rhie; ọ rhie ma wẹ Nọyaẹnmwa wa ru uwẹ ẹse.

Itan 18:22 ပူးပေါင်းရင်းမြစ်များ

Gẹnẹsis 2:18

Ẹre Nọyaẹnmwa Osanobua na kha wẹẹ, “Ọ ma kei ne okpia na vbe ẹhi ẹre ọkpa kẹkan gha rrọọ. I gha yi ogieva ẹre ne ọ maẹn rhie nẹẹn ne ọ gha yi ọre obọ.”

Gẹnẹsis 24:67

Aizik keghi rhie Ribẹka la uwe owa ukpọn, ọ na rhie ẹre rọnmwẹ. Aizik ho ẹmwẹ Ribẹka, ọnii ọre ọ ghi fu ẹre ẹko rre vbe iye ẹe ghi wu nẹ.

Gẹnẹsis 29:28

E Jekọb ke kue yọ, izọla oghọghọ irhiọha ni ghi gba nẹ, e Leban keghi rhie Rekiẹl ne ovbi ẹre nẹẹn rhie rọnmwẹ. (

Itan 12:4

Okhuo esi, emwi ọyẹnmwẹ kevbe ne a ya hio nọ ne ọdọ ẹre. Sokpan, okhuo ne ọ si efa ye ọdọ ẹre egbe te ọ yevbe ẹtẹ ne ọ rre uwu ugboloko.

Itan 19:14

Ọmwa sẹtin miẹn ukhu owa kevbe igho re vbe obọ erha ẹe sokpan, e Nọyaẹnmwa okpa ọ re ọ rhie okhuo esi ne ọmwa.

Itan 3:4

U gha ru vbenian, u gha miẹn aro ne ọ maa vbe obọ Osanobua kevbe emwa nagbọn.

Itan 8:35

Ọmwa ne ọ gualọ mwẹ miẹn, arrọọ ọ re ọ miẹn, ẹko ẹre gha vbe rhiẹnrhiẹn e Nọyaẹnmwa.

Asan-Ibo 9:9

Gu okhuo ne u ho ẹmwẹ ọnrẹn lo agbọn ruẹn vbe ẹghẹ ne u gha ya vbe agbọn ọrhiae ne Osanobua ya ru uẹ ẹse na. Lo nene avbe ẹdẹ ne ọ ma maa na hia, rhunmwuda, ọna okpa ọrọre ere ne u ra re vbe uwu ẹsọn ne u miẹn hia.

Hozia 12:12

E Jekọb ne erha mwa odede, e Mẹsopotamia ọ re ọ lẹẹ gha rrie, vbe odọ niii, te ọ gha ga ọmwa ọvbehe ọ na gha su ohuan ẹnrẹn ne ẹẹn, ne ọ miẹn ehe na sẹtin rhie okhuo.

I Kọrinti 7:2

Sokpan, ugbẹn vbe a ghi miẹn nian wẹ ẹmwẹ oghẹ tua gbe, ọ kere ne dọmwadẹ okpia gha mwẹ amwẹ, kevbe ne dọmwadẹ okhuo vbe gha mwẹ ọdọ ẹre.

Ebe Rut 4:10

Ye vbe sẹ ọnii, e Rut ne ovbi e Moab ne okhuo ne Malọn wu sẹ rae, vbe khian ọvbokhan mwẹ, ne ọ miẹn ehe na gha gbearoghe emwi ọmwa ne ọ wu nii vbe uwu ẹgbẹe ọre, ne eni ẹnrẹn miẹn ehe na ye gha khian vbe uwu ẹbu ẹgbẹe ọre kevbe ẹvbo ẹre. Wa ọrọre osẹe ẹrẹna.”