Itan 18:2 - Edo Bible (E Baibol Ẹdo) Version 1996

² Ọzuọ i zẹyọ deghẹ ọ rẹn otọ nene emwi ra ọ ma rẹn ọnrẹn, emwi ne irẹn ho ọrọre ne ọ rhie ma emwa hia wẹ okpia ne okpia rẹn khin.

Itan 18:2 ပူးပေါင်းရင်းမြစ်များ

Itan 1:22

“Wa ne akpa! Inu ẹghẹ wa ho ne uwa ya gha re akpa? Inu ẹghẹ wa ra ghọghọ ye irẹnmwi ne uwa ya gbogiẹ la? Wa i ra ruẹ emwi ẹdẹdẹmwẹdẹ ra?

Itan 1:7

Ọmwa ne ọ ho ne ọ gha wan, ọ ghi ka gha ya ọghọ ne Nọyaẹnmwa nẹ. Avbe ọzuọ i zẹdẹ da ne ẹwaẹn, iran ghi vbe he ne iran ruẹ emwi.

Itan 12:23

Adazẹ i ta emwi ne ọ rẹnrẹn ladian, sokpan avbe akpa ghi mu ukọnmwẹ iran ye ahẹn gha bọnmwẹ khian.

Itan 13:16

Emwa ni wan, te iran roro emwi nẹ iran kegha ru ẹe, sokpan avbe ogboi ghi mu ukọnmwẹ iran ye ahẹn gha bọnmwẹ.

Itan 17:16

Ẹ i mwẹ ọ maa okpa ne ọ ra la evba sẹ ọre egbe dẹghe a lo igho ya gha ma ọzuọ ebe, ẹ i mwẹ isan ẹwaẹn ọkpa.

Itan 18:3

Orukhọ kevbe efaa ọ re ọ gba khian. U gha mu ọghọ ne egbe uẹ fua nẹ, ozan ọ re u ghi ra rhie ye ihe ẹre.

Asan-Ibo 10:3

Te ukọnmwẹ ọnrẹn wa vbe rhie egbe maa avbe ekhẹn ne ọ sẹ odẹ miẹn, rẹn ghi gie emwa hia wa rẹn wẹ akpa rẹn khin.

Matiu 8:34

Emwa ẹvbo ni hia keghi vẹ bu Jesu gha dee. Iran ghi miẹn ọẹn, iran rinmwian ne ọ kpao hin iran ẹvbo rre.

I Kọrinti 14:12

Sokpan, vbene ẹmwẹ avbe emwi ne Orhiọn Osanobua ya we ọmwa ghi na bọbọ uwa egbe, wa ghi gie a miẹn ke odaro emwi hia wẹ ne ọ gha ru iyobọ ne esọsi ọre uwa mobọ lo sẹ vbọ.

I Kọrinti 8:1

Vbe ekpa emwi ne a ya ru ẹbọ: Ẹmwata nọ wẹ, “ma hia ọre ọ rẹn emwi,” zẹ vbe ne itan kha re. Sokpan egbe irẹnmwi vberriọ, uhiomwẹ ọre ọ si ye ọmwa egbe, sokpan ahọ ẹmwẹ ọmwa ọre ọ de ọmwa igiẹ.

Filipai 1:15

Ọ rhe ye rriọ, eso vbọ kpe orhu Kristi rhunmwuda oya ọmwa da ọmwa kevbe ẹmwẹ ne a ru, sokpan eso wa ya ẹkoata kpe orhu.