Itan 18:14 - Edo Bible (E Baibol Ẹdo) Version 1996

¹⁴ Ekhọe ruẹ gha rrọ wẹ u ho ne u fe, ọnii sẹtin yevbe eda nuẹn vbe ẹghẹ emianmwẹ, sokpan, ọnii gha lahin rre, idaehọ ruẹ ne okiekie ọ re ọ fo nii.

Itan 18:14 ပူးပေါင်းရင်းမြစ်များ

Job 6:4

Osanobua ne Udazi ye ifẹnmwẹ salọ mwẹ nẹ, obi ni rrọ rọn la mwẹ egbe hia, Osanobua tẹn emwi ni mu ohan ọghọe ye uviẹn khẹ mwẹ.

Psalm 109:22

Ovbiogue kevbe ne ẹ i mwẹ, ọre imẹ khin; ẹko zughu mwẹ ya sẹ otọ ibiẹ.

Psalm 147:3

Ọ mu iran ne ekhọe ẹre rhiae egbe rran, ọ keghi vbe gbalọ iran ẹwẹn.

Psalm 55:3

Eyan ne avbe eghian mwẹ yan mu mwẹ ohan, ukpokpo emwa dan rẹnkhẹn mwẹ ye otọ iran si ọlọghọmwa yọmwẹ egbe, ohu mwẹ mu iran iran vbe khuiwu mwẹ.

Psalm 55:5

Ohan kevbe uguọmwẹ dobọ mu mwẹ, ohan ọyunnuan mu mwẹ guẹ.

Ẹksọdọs 6:9

E Mosis keghi ya ta ẹmwẹ na ma ivbi Izrẹl, sokpan iran ma rhie ehọ nẹẹn ta yi rhunmwuda, ihe eviẹn ne iran ye, ya egbe wọ iran.

Itan 15:13

Ẹko gha sẹ emwa ọyẹnmwẹ, iran ghi gha mumu ogiẹ, sokpan, ẹko gha rriara iran, iran ghi suku aro ua.

Itan 17:22

Aro ọmwa gha ma vbe uhunmwu vbe ẹghẹ hia, egberranmwẹ ọ re ọ rhie gie ọmwa; emianmwẹ uwu ne huẹẹ nọ ne egbe wa gha kan ọmwa vbe ẹghẹ hia.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 2:7

Vbene ọ rhirhi gha ye hẹ, wa ya bọ ẹe, wa ghi vbe gha bu ẹre ude iwo vbe egbe ne ekhọe ẹre ghẹ ya rhia sẹrriọ ne ọ gha na ghi wa zobọ fẹẹrẹ.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.

I Pita 1:6

Wa gie ọyẹnmwẹ ọ na gha sẹ uwa, a gha rhe miẹn wẹ ẹ i mwẹ wa ma gha mwẹ ẹkorriaramwẹ vbe ẹghẹ kherhe, rhunmwuda edanmwẹ ughughan ne u wa miẹn.