Itan 18:12 - Edo Bible (E Baibol Ẹdo) Version 1996

¹² A i yọghọ ne ọmwa adeghẹ ẹ i mu egbe rriotọ; emwa ni tengbemu, odẹ ọfuan ọre iran gbẹn khian.

Itan 18:12 ပူးပေါင်းရင်းမြစ်များ

I Ọba 3:7

E Nọyaẹnmwa, Osanobua, u ya mwẹ rriọba lele erha mwẹ nẹ, a gha rhe miẹn wẹ, ọvbokhan ọ re I khin, I ma vbe rẹn vbene a ya gbe aro ghe ẹvbo hẹ.

Itan 11:2

Emwa ni tọn egbe mu gha fa egbe ua wan, aro emwi uhẹn uhẹn ọ re ẹwaẹn ye sẹ.

Itan 15:33

Ọghọ ne a rhie ne Nọyaẹnmwa iruẹmwi ọ re wa vbe nọ ọghe obọ ẹre. Te uwẹ gha mwẹ amu egbe rriotọ a te miẹn wẹ uyi do gha rruẹ egbe.

Itan 16:18

Te uhiomwẹ khian rrie odẹ ọfuan, itengbemu ọ re ọ vbe si udemwẹ.

Itan 29:23

Te itengbemu mu ọmwa gbe otọ, sokpan, u gha re ọmwa ne ọ mu egbe rriotọ, a ghi gha yọghọ nuẹn.

Ezikiẹl 28:2

“Ovbi ọmwa, tama ọba e Taia ẹmwẹ ne imẹ ne Nọyaẹnmwa ne Udazi tama rẹn wẹ; u gha ye uhiomwẹ tọn ifuẹn mu, u na gha kha wẹ ẹbọ ọ re uwẹ tobọ ruẹ khin. U khare wẹ te uwẹ tota ye ẹkete zẹ vbe ẹbọ vbene avbe okun na lẹga ruẹ. U sẹtin gha ye egbe ta avbe ẹbọ, sokpan ọmwa ne ọ sẹtin wu kẹkan ọ re u khin, u i vbe mwẹ akpa ẹbọ rhọkpa.

Ezikiẹl 28:9

U gha ghi mudia ye odaro avbe iran ni ra gbe uẹ ua nẹ, u ghi do gha re ọmwa ne ọ sẹtin wu, u i ghi re ẹbọ hiehiere.

Ezikiẹl 29:9

Igipt gha khian, otọe ne ọ la ọrhiae rrie. Ẹghẹ nii, wa gha rẹn ighe mẹ ọrọre Nọyaẹnmwa. “Rhunmwuda ne u na kha ighe ọwuẹ ọ re e Naẹl khin ighe wẹ ọre ọ yii ẹe.

Daniẹl 9:20

I keghi ye gha na erhunmwu nii khian, I keghi miẹn orukhọ mwẹ kẹe kevbe orukhọ ọghe Izrẹl ne emwa mwẹ, I na gha rinmwian e Nọyaẹnmwa Osanobua mwẹ ne ọ dọlọ rhie Ọgua Osa ẹre nọhuanrẹn ye ihe.

Daniẹl 9:23

Ugbẹn vbe u ghi gha rinmwian Osanobua, ọ keghi zẹ ẹmwẹ wanniọn. Ọ ho ẹmwẹ ruẹn, rhunmwuda ọnii, ọ re I na gha dee do rhie ewanniẹn ọnrẹn ne uẹn rhunmwuda ọnii nian, danmwehọ vbe ne I rhan otọ umian na hẹ.

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”