Itan 18:10 - Edo Bible (E Baibol Ẹdo) Version 1996

¹⁰ Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Itan 18:10 ပူးပေါင်းရင်းမြစ်များ

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 32:11

Lahọ, miẹn mwẹ fan vbe obọ ẹtin Isọ ne ọtẹn mwẹ. Afianma fian mwẹ we te ọ dee ra do gun mwẹ gbinna ne ọ wa fuẹn ima-an kevbe ikhuo kevbe emọ negiẹrẹ.

II Samuẹl 22:2

E Nọyaẹnmwa ọ re ọ re ne ọ degue mwẹ, rẹn ọ re owa ọkhẹ mwẹ nọ wegbe.

II Samuẹl 22:3

Osanobua mwẹ ọrọre ugue mwẹ, I gha rre ehe ne ọ ye, ẹbe fo. Ọ degue mwẹ zẹ vbe asa. Ọ gbinna mẹ rhie mwẹ mwẹ, vbe a i mwẹ ẹbe. Rẹn ọrọre Ọmiọnmwafan mwẹ; ọ degue mwẹ, ọ fan mwẹ hin epiankhanrhan rre.

II Samuẹl 22:51

Osanobua, rhie akhọnmiotọ nọkhua ne ọba ẹre, ọ rhie ahoẹmwọmwa ne ọ gbae maa, ghe ọmwa ne ọ zẹe, ghe Devid kevbe uniẹn ọnrẹn ẹdẹdẹmwẹdẹ.

Psalm 144:2

Rẹn ọrọre ne ọ degue mwẹ kevbe ne ọ gbinna mẹ ugue kevbe ọmiọnmwafan mwẹ, ọmwa ne imẹ mu ẹtin yan ne I fe hin ẹbe rre. O rhie mwẹ obọ yan uhunmwu ẹvbo nibun uhunmwu.

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 20:2

Te ọ gha gie iyobọ guẹ, ke Ọgua Osa ẹre rre, ne ọ ye uwẹ ike ke Oke Zaiọn rre.

Psalm 27:1

E Nọyaẹnmwa ọrọre uwanmwẹ mwẹ kevbe imiẹnfan mwẹ, de ọmwa ne ohan rẹn gha mu mwẹ? E Nọyaẹnmwa, ọ re ọ degue mwẹ, hin uwu ẹbe hia, afianma i ghi fianmwẹ.

Psalm 91:14

Osanobua khare wẹẹ, “I gha miẹn iran ni ho ẹmwẹ mwẹ fan, I gha vbe degue iran ni rẹn mwẹ ye Nọyaẹnmwa.

Psalm 91:2

gha sẹtin tama rẹn wẹẹ, “Wẹ ọrọre ne ọ gbinna mẹ kevbe ugue mwẹ wẹ ọrọre Osanobua mwẹ ọmwa ne I mu ẹtin mwẹ yan.”

Ẹksọdọs 6:3

I rhie egbe ma Ebraham, Aizik kevbe Jekọb zẹ vbe Osanobua Ne Oghodua. Sokpan, I ma ya eni mwẹ ne ọ huanrẹn ighẹ Nọyaẹnmwa rhie egbe ma iran.

Itan 14:26

A ya ọghọ ne Nọyaẹnmwa, ekhọe kevbe ẹkun ne ọ sotọ ọ re ọ rhie ne igiowa ọmwa.

Itan 29:25

Emwi dan wa nọ ne a gha mu ẹmwẹ emwi ne ọmwa ọvbehe ro vbekpa ọmwa ro, sokpan, u gha mu ẹtin yan e Nọyaẹnmwa, ẹbe fo.

Aizaia 26:4

Mu ẹtin yan e Nọyaẹnmwa ẹdẹdẹmwẹdẹ rẹn gha vbe gha degue ruẹ vbe ẹghẹ hia.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Habakọk 3:19

E Nọyaẹnmwa ne Udazi rhie iwegbe mẹ. Ọ ya owẹ mwẹ wo ye ulẹ zẹ vbe ẹrhuẹ; ọ keghi ya mwẹ di avbe oke nekhua ya, vbe a i mwẹ ẹbe.

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.

I Samuẹl 17:45

E Devid keghi wanniẹn wẹẹ, “Te uwẹ bu imẹ dee nian, ke uwẹ kevbe umozo, asoro kevbe ogala, sokpan, mẹ bu ruẹ dee vbe eni e Nọyaẹnmwa ne Udazi, ne ọ re Osanobua ivbiyokuo Izrẹl, ne uwẹ fara.

I Samuẹl 30:6

Uwu ọlọghọmwa nọkhua ọre Devid ghi ye rhunmwuda ẹko ma maa rẹn hiehie rhunmwuda ivbi iran ne iran ma ghi miẹn, iran na gha yan ighẹ iran ra filo okuta gbe ẹe rua, sokpan, e Nọyaẹnmwa ne Osanobua ẹre keghi rhie igiẹudu ne ẹẹn.