Itan 18:1 - Edo Bible (E Baibol Ẹdo) Version 1996

¹ Emwa ne ẹ i gu emwa ọvbehe ro, enegbe iran okpa ọ re iran rẹnrẹn; emwa hia gha rhe rẹn wẹ emwi ne ọ gbae nene emwi khin, iran ghi wẹ, ẹn o.

Itan 18:1 ပူးပေါင်းရင်းမြစ်များ

Ẹksọdọs 33:16

Vbe ne ẹmwata, de odẹ ne ọmwa gha ya rẹn wẹ ẹko ruẹ rhiẹnrhiẹn ghe emwa ruẹn kevbe imẹ. A deghẹ u lele ima gha khian mẹ kevbe emwa ruẹn ghi gha re emwa ni miẹn aro ne ọ maa sẹ emwa ọvbehe hia vbe agbọn na.”

Itan 14:10

Ọyẹnmwẹ ruẹn, ọwuẹ nọ, orriara ruẹ, ọwuẹ nọ. Ọmwa ne ọ ra guẹ ghae ẹre i rrọọ.

Itan 17:14

Omuhẹn imuanmwẹ, te ọ yevbe ehe ne ekẹn ne a gbe khiọ orogho amẹ na ha uvun, zẹgiẹgiẹ ran rẹn ọ te fannọ uan.

Itan 20:19

Ọmwa ne ọ guẹ ewẹwẹwẹ ne a ta, ẹ i sẹtin rhie ẹmwẹ oro lẹre. Gha gban egbe ne emwa ni talọ gbe.

Itan 20:3

Ọzuọ ikọzuọ sẹtin suẹn imuaẹmwẹ; uyinmwẹ enọrẹn enegbe ọrọre ne a ghẹ mwẹ obọ vbọ.

Itan 24:21

Gha ya ọghọ ne Nọyaẹnmwa, ovbi mwẹ, vbe gha da ne ọba. Ghẹ gu avbe emwa ni sọtẹ iran muobọ. Egbe emwa vberriọ sẹtin wa fuan vbe udomwurri.

Itan 26:17

Ne ọmwa ya gha fi ukpe ye ẹmwẹ ne ọ ma kan rẹn, te ọ ye vbe ne ọmwa wa la ore, ọ na viọ ekita ehọ ya siẹe kpa hin otọe rre.

Itan 3:21

Ovbi mwẹ, da ẹwaẹn ruẹn yi, deba a ghe umian emwi. Ghẹ gie iran wi ruẹ.

Itan 8:14

I gha zẹ iro emwi, I ghi vbe ru ẹe, I mwẹ irẹnmwi, I vbe wegbe.

Jerimaia 15:17

I ma lo ẹghẹ mwẹ ya tota ke emwa ọvbehe, ne a gba gha giẹ ra ne avbe gha zọmọ. Zẹ vbene u tama mwẹ, I keghi hẹko tota, mẹ ọkpa vbe ẹhi mwẹ, ohu keghi gba mwẹ ẹko.

Zẹkaraia 7:3

kevbe ne iran vbe nọ avbe ohẹn kevbe akhasẹ ọta na wẹẹ, “Te ọ kere ne ima ye gha khiẹ ye ẹmwẹ Ọgua Osa ne a guọghọ ua vbe ekpa ne ima gha na gha yo aguẹ vbe uki ne ogisẹn vbene ima ka ru ẹe ke ukpo nibun ni gberra gha dee?”

Matiu 13:11

Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Matiu 13:44

“Arriọba ẹrinmwi yevbe emwighobioye ne a rhie lẹre ye uwu oha. Ugbẹn vbe okpia ọkpa ghi domian miẹn ọẹn, ọ keghi hẹko dọlegbe zẹ ekẹn gue ẹre. Vbene ọ ghi ye ọre sẹ, ọ keghi wa ya khiẹn emwi hia ne ọ mwẹ, ọ ke ya dẹ ako oha ni.

Iyẹn ne ọ Maan Ọghe Mak 1:35

Jesu keghi ladian vbe owiẹ fioo, vbe ẹdẹ ma he gbe, ọ kegha rrie ehe ne ọ divbiẹ vbe a la hin ore ẹvbo rre, ọ keghi ya na erhunmwu.

Iyẹn ne ọ Maan Ọghe Mak 4:11

Jesu wanniẹn tama iran wẹẹ, “Wa na ọre a ta oro ẹmwẹ Arriọba Osanobua ma sokpan, iran hia ni rre ore, itan ọre a ya gu iran guan.

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

II Kọrinti 6:17

Rhunmwuda ọnii, Nọyaẹnmwa keghi kha wẹ, “Wẹ kpao sẹ iran rae, Wa wannọ egbe hin uwu iran rre. Wa ghẹ mwẹ obọ vbe emwi ne ọ ma huan mẹ gha rhan obọ miẹn uwa.

Diuteronomi 14:6

Aranmwẹ ke aranmwẹ ne ihiẹn ọnrẹn va ada kevbe ne ọ vbe hu evbare rre dọlegbe lue vbe unu.

Ebe ne Jud gbẹẹn 1:19

Iran na ọre ọ si iwannegbe rre, iran ne amiẹn wẹ, emwi egbe kẹkan ọkpa ọre ọ ya iran ruemwi, emwa ne Orhiọn nii i gue hiehie.