Itan 17:23 - Edo Bible (E Baibol Ẹdo) Version 1996

²³ Ọbuohiẹn ne ẹ i ta ẹmwata ghi gha do rhie igho odieke, vbe iyeke ọnii, ibuohiẹn ẹmwata i ghi rrọ.

Itan 17:23 ပူးပေါင်းရင်းမြစ်များ

Ẹksọdọs 23:8

Ghẹ miẹn oko iyeke, rhunmwuda te oko iyeke rhu emwa aro ne iran ghẹ dẹghe ẹmwata, ọ ghi gbe ẹki ẹmwẹ ye ne ọ ma ru khọ obọ.

Itan 17:8

Emwa eso wa ro ighe te igho iyeke winna zẹ vbe ẹbo edunna; iran yayi wẹ ai miẹn emwi ne ẹ i gie ẹe ru.

Itan 18:16

A dẹghe u ho ne u miẹn ọmwa kpataki aro, ya emwi ha oko giẹe, ẹ i ra zẹdẹ lọghuẹ hiehiere.

Itan 21:14

Deghẹ ọmwa okpa mu ohu ruẹ, u ghi la ẹkhokho ha oko gie ẹe, ọ gha fu ẹre ekhọe rre.

Asan-Ibo 7:7

Ọmwa ne ọ wan gha mu ọmwa ru, uyinmwẹ ọzuọ ọ re ọ yinrin nii. U gha miẹn igho odieke, u mu eni ruẹn rhia nẹ.

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 5:23

Sokpan, wa gha rri igho odieke kherhe nẹ, wa ghi fannọ emwa ni rri abe kua, wa ighi gie ne ọ ma rukhọ miẹn ibuohiẹn ẹmwata ne ọ khẹke ẹe.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Maika 3:9

Wa danmwehọ, wa ni khaemwisẹ yan Izrẹl, wa ni khuiwu ohiẹn ẹmwata, ne uwa na vbe ya emwi ne ọ gbae khian ne ọ ma gba.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

I Samuẹl 12:3

Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”

I Samuẹl 8:3

Sokpan, iran ma lele ukpowẹ erha iran. Igho ne a khuan ọkpa ọ re aro iran wa gha ye. Rhunmwuda ọnii, iran kegha rri igho odieke, iran na gha khiẹn ohiẹn bu.