Itan 17:19 - Edo Bible (E Baibol Ẹdo) Version 1996

¹⁹ Ọmwa ne orukhọ yẹẹ, ẹti ne a si ọ re ọ vbe ye ọre. U gha wa gha rhuọ vbe ẹghẹ hia, orueghe ọre u fie ho.

Itan 17:19 ပူးပေါင်းရင်းမြစ်များ

II Samuẹl 15:1

Vbe iyeke ọnọna, Absalọm keghi ya viọ ẹsin kevbe ikẹkẹ okuo, deba ivbiyokuo ekigbesiyeha ne ọ gha rhulẹ ke odaro ne irẹn.

I Ọba 1:5

Ugbẹn vbe Absalọm ghi wu nẹ, Adonaija ne ovbi e Devid kevbe Hagit, keghi do gha re ọdiọn vbe emọ ni ghi ke ẹe. Rẹn kegha re ọmwa ne ọ mose ẹsẹse, ọ keghi wa vbe rhie aro yọ wẹ rẹn gha rriọba. E Devid ma he vbe zẹ okan guẹ ẹe gui ye emwirhọkpa ẹdẹ. Ọ keghi dẹlẹ ikẹkẹ okuo kevbe ẹsin ne egbe ẹre, deba arhin ekigbe siyeha ni lele ẹe khian.

Itan 16:18

Te uhiomwẹ khian rrie odẹ ọfuan, itengbemu ọ re ọ vbe si udemwẹ.

Itan 17:14

Omuhẹn imuanmwẹ, te ọ yevbe ehe ne ekẹn ne a gbe khiọ orogho amẹ na ha uvun, zẹgiẹgiẹ ran rẹn ọ te fannọ uan.

Itan 18:12

A i yọghọ ne ọmwa adeghẹ ẹ i mu egbe rriotọ; emwa ni tengbemu, odẹ ọfuan ọre iran gbẹn khian.

Itan 24:27

Ghẹ bọ owa ruẹ ne u zọ urho ladian, vbe ẹ i re te ugbo ruẹ de mudia nẹ, aro ruẹ na vbe da ẹe ighe u gha sẹtin gha miẹn evbare unu.

Itan 29:9

Ọmwa ne ọ wan gha tie ọzuọ ẹzọ, ogie okpa ọ re ọzuọ nii wa giẹ, ọ ghi gha vannọ ọkan, ọ ghi gha tie ẹbọ.

II Kọrinti 12:20

Afianma fian mwẹ wẹ, I gha sẹ evba, ẹ i re vbene I ho ne uwa gha ye I ra na do vba uwa, wa tobọ uwa ghi vbe miẹn wẹ, ẹ i re emwi ne uwa te ho ne imẹ gha khin ọre I khin. Afianma fian mwẹ wẹ, I gha do vba ẹzọ, oya ọmwa da ọmwa, ọkpankpan, arẹn ne egbe mwa ọkpa, ọtakhọ, kevbe ewẹwẹwẹ, uhiomwẹ kevbe otighi.

Jems 1:20

Rhunmwuda, izohu ọmwa ne agbọn i mwẹ ehe ne ọ na gie emwamwa nọ maa ọghe Osanobua mwẹ uhunmwu.