Itan 17:17 - Edo Bible (E Baibol Ẹdo) Version 1996

¹⁷ Avbe ọse ghi gha rhie ahoẹmwọmwa ma. Vbe ẹghẹ hia, ẹdẹ oseghe ọ re a ye etẹn khẹ.

Itan 17:17 ပူးပေါင်းရင်းမြစ်များ

II Samuẹl 1:26

“I kakabọ khiẹ ruẹ, e Jonatan ne ọtẹn mwẹ, u miẹn vbe ẹmwẹ ruẹn te ye mwẹ hẹẹ! Ọyunnuan ọ re aho ẹmwẹ ọmwa ne u mwẹ ghe mwẹ te khin, ọ te sẹ aho ẹmwẹ ọmwa okhuo.

II Samuẹl 15:21

Sokpan, Itai wanniẹn wẹẹ, “I ya eni Nọyaẹnmwa vẹn ihẹn, Umogun, wẹ ehe ne u rhirhi la ọ re I ra lele uẹ la, ọ gha khọnrẹn ne ọ gha re ọghe uwu.”

Ẹsta 4:14

U gha hunwan vbe ẹghẹ ne ọ ye vbenian na, iyobọ gha ke ẹrinmwi bu avbe Ju rre, iran ghi miẹn uhunmwu, sokpan wẹ gha wu, deba ẹre ẹgbẹe erha a ghi gbe ero, sokpan, u rẹnrẹn wẹ ẹ i gie a rẹn ọ gha kẹe egbe ẹghẹ vbenian ọ re ọ zẹe ne a na ya ma Oloi!”

Itan 16:28

Emwa dan ọ re ọ rhie awẹawẹ ye ahẹn bọnmwẹ, iran ọ re ọ si ẹti rre iran ọ re ọ rhia ọse.

Itan 18:24

Iku eso i tọ, sokpan avbe ọse eso rrọ ni maa sẹ etẹn.

Itan 19:13

Ọmọ dan sẹtin mu erha ẹe agbọn rhia. Okhuo ne ọ vian keghi yevbe amẹ ne ọ nọnọ taitai.

Itan 19:7

Uhin ighe etẹn ovbiogue i vbe ka ẹe ye ọmwa, ghe emwi ne ọ si ẹe ne ẹ i na mwẹ ọse. Vbene ọ khọn rẹn wẹ ne ọ ziga sẹ hẹ, ẹ i miẹn.

Hibru 2:11

Ọ khuẹ emwa huan hin orukhọ iran rre, irẹn kevbe emwa ni irẹn khuẹ huan, erha ọkpa iran mwẹ. Ọnii ọ si ẹe ne ekhue i na mu Jesu vbe ọ gha tie iran etiọnrẹn.

Ebe Rut 1:16

Sokpan, e Rut keghi wanniẹn wẹẹ, “Ghẹ ghi tama mwẹ wẹ ne I kpao sẹ uẹ rae, ghẹ tama mwẹ wẹ ne I ghẹ lele uẹ. Ehe ne u rhirhi a gha rrie ọ re imẹ gha vbe yo, ehe ne u rhirhi a dia ọ re imẹ gha vbe dia. Emwa ruẹn ọ re ọ ra gha re emwa mwẹ. Osanobua ruẹ ọ re ọ ra vbe gha re Osanobua mwẹ.

I Samuẹl 18:3

E Jonatan kevbe Devid keghi gba vẹn ihẹn ne egbe wẹ ọse ẹdẹdẹmwẹdẹ iran khian gha khin, rhunmwuda ne irẹn na ho ẹmwẹ ọnrẹn ẹsẹse.

I Samuẹl 19:2

Rhunmwuda ọnii, ọ keghi tama e Devid wẹẹ, “Erha mwẹ ho ne ọ gbe ua. Rhunmwuda ọnii, gha kinna egbe! Akhuẹ, u ghi lẹre ye ẹkhokho okpa.

I Samuẹl 19:3

I gha yo uwu oha ne u lẹre yi ne I ya gu erha mwẹ guan vbe ekpa ruẹ. I gha miẹn uhunmwu ẹmwẹ, I gha do tama ruẹn.”

I Samuẹl 20:17

E Jonatan keghi dọlegbe wẹ ne Devid yan wẹẹ rẹn gha ho ẹmwẹ irẹn, rhunmwuda te Jonatan ho ẹmwẹ Devid zẹ vbene ọ ho ẹmwẹ egbe ẹre.

I Samuẹl 23:16

E Jonatan keghi ya vba ẹre vbe evba, ọ na rhie igiẹdu ne ẹẹn wẹ, ẹ i mwẹ Osanobua ma degue ẹre.