Itan 17:14 - Edo Bible (E Baibol Ẹdo) Version 1996

¹⁴ Omuhẹn imuanmwẹ, te ọ yevbe ehe ne ekẹn ne a gbe khiọ orogho amẹ na ha uvun, zẹgiẹgiẹ ran rẹn ọ te fannọ uan.

Itan 17:14 ပူးပေါင်းရင်းမြစ်များ

II Samuẹl 19:41

Ẹre ivbi Izrẹl hia na bu ọba gha khian, iran tama rẹn wẹẹ, “U gha tọ u kpẹre Umogun, vbọzẹ ne etẹn ima ighẹ ivbi e Juda na rhie ruẹ kpao, iran na su uwẹ kevbe ẹgbẹe ruẹ kevbe emwa ruẹ fian e Jọdan rra?”

II Krọnikol 13:17

Abija kevbe ivbiyokuo ẹre keghi gbe ivbi Izrẹl ugbemwẹ oya. Omwa arriaisẹn ekigbesiyeha (500,000) vbe ivbiyokuo ni maa sẹẹ vbe Izrẹl kegha re ne a gbele ua.

Itan 13:10

Itengbemu i si emwi ọvbehe rre gberra orueghe. Ne a gualọ ọmwa ne ọ gha bu ọmwa ude ọ re ẹwaẹn ye sẹ.

Itan 14:29

Adeghẹ wẹ hẹko zin egbe, ọmẹwaẹn ọ re u khin, egbe gha balọ ọ, te u rhie ma kẹkan vbene u kọn sẹhẹ.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Itan 16:32

Ọmwa ne ọ ziengbe ọ re ọ maa sẹẹ ne ọ hẹ ẹtin. Ọmwa sẹtin kha yan egbe ẹre ọ re ọ maa sẹẹ ọ kha yan okpẹvbo.

Itan 17:19

Ọmwa ne orukhọ yẹẹ, ẹti ne a si ọ re ọ vbe ye ọre. U gha wa gha rhuọ vbe ẹghẹ hia, orueghe ọre u fie ho.

Itan 19:11

U gha re ọmọ ne ọ wan, u gha ziengbe vbe ohu a gha mu ẹn. Ọmwa gha ruẹ emwi ne ọ ma kei, uyinmwẹ ọmẹguae nọ adeghẹ u yangbe ẹe.

Itan 20:3

Ọzuọ ikọzuọ sẹtin suẹn imuaẹmwẹ; uyinmwẹ enọrẹn enegbe ọrọre ne a ghẹ mwẹ obọ vbọ.

Itan 25:8

Ghẹ gha rhulẹ yo iko ba ẹmwẹ emwi ne arọ ruẹ sẹe. Adeghẹ osẹe ọvbehe ghi do rhan otọ ẹre, a na ghi do miẹn wẹ ohoghe ọ re u ta vbo, vbua ghi ra ru hẹ?

Itan 26:21

Ogiọnmwẹ erhẹn ọ re ọ ye erhẹn viẹn kpoo, erhan ọ re ọ ye erhẹn gha ba gidigidi, avbe ọgbẹti ọ re ẹ i gie imuamwẹ fo vbotọ.

Itan 29:22

Emwa ne egbe balọ, te iran wa si ẹzọ kevbe otighi rre ẹghẹ hia.

Ebe ne Pọl gbẹẹn gie emwa Rom 12:18

Zẹ vbene ọ kan ruẹn, hia vbe odẹikodẹ ne uwa vbe emwa hia gba gha ma ẹko egbe.

I Tẹsalonaika 4:11

Wa gie a miẹn wẹ te uwa mu aro yọ wẹ, uyinmwẹ ọmẹhẹ ọre uwa khian gha yin, ne uwa hẹko gha ru ọghe uwa, ne uwa gha tobọ uwa khuan igho evbare uwa, zẹ vbene ima ka tama uwa yo.