Itan 17:13 - Edo Bible (E Baibol Ẹdo) Version 1996

¹³ U gha ya ọkhọ ha osa ọ maa, ọkhọ i lahin owa ruẹ rre ẹdẹdẹmwẹdẹ.

Itan 17:13 ပူးပေါင်းရင်းမြစ်များ

II Samuẹl 12:10

Banbanna nian, te a gha miẹn ivbi uẹ eso ne ọ gha wu uwu ikpanikpan vbe orre hia, rhunmwuda, u rra uhi mwẹ, u keghi rhie amwẹ Uraia.

I Ọba 21:22

Ẹgbẹe ruẹ ghi do gha yevbe ẹgbẹe ọghe Jeroboam ne ọba, ovbi e Nebat kevbe Baasia ne ọba ovbi Ahija, rhunmwuda wẹ ọre ọ ya obọ si ohu mwẹ rrie egbe vbe ne u na silo ivbi Izrẹl obọ fi orukhọ.’

Psalm 35:12

Iran ya oghodan kpọnmwẹ mwẹ ẹse, egbe keghi wa wọ mwẹ ye otọ.

Psalm 38:20

Iran ni ya ọkhọ san ẹse mu aro igbinna da mwẹ rhunmwuda, ighẹ I hia ne I gha ru vbene ọ kere.

Itan 13:21

Te orueghe lele emwa orukhọ la ehe hia, sokpan, a gha ye emwi esi san emwa esi ẹse.

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Matiu 27:5

Judas keghi rhurhẹ igho nii ku otọ vbe Ogiukpo, ọ keghi sẹ ọe rae ye evba, ọ ghi ke evba kpao, ọ keghi ya zẹgbẹle.

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

I Samuẹl 19:4

E Jonatan keghi tian e Devid ma e Sọl wẹẹ, “Dọmọ ọ, ghẹ ru e Devid ne ọguọmwadia ruẹ emwi ne ọ ma gba, ọ ma he ru emwi ne ọ ma gba ghe ruẹ ẹdẹ, sokpan, vbe ẹmwata, emwi ne ọ he ru hia, nẹ ọ rhie ere nọkhua gie uẹ ọ re ehia khin.

I Samuẹl 24:17

Ẹre ọ na tama e Devid wẹẹ, “Wẹ ọ re ọ rri ase, mẹ ọ re ọ rukhọ. Te uwẹ wa gha maa mẹ, vbene imẹ na gha ruẹ khọ.

I Samuẹl 25:21

E Devid keghi ka gha roro ẹe wẹẹ, “Vbọzẹ ne I na tan ifuẹn gaa emwi oko nii vbe uwu oha vbe edinran, emwi ẹnrẹn rhọkpa ne a do rhie ẹ i rrọọ, ọna ọ re ọ ghi ya san mwẹ ẹse ne I ru ne ẹẹn?