Itan 17:12 - Edo Bible (E Baibol Ẹdo) Version 1996

¹² Ọmwa dekun akpakomiza ne a mu ẹre ọmọ, ọ re ọ maa sẹẹ ne ọ do vba avbe ọzuọ vbe iran a gha fuẹn iwinna akpa ginna otọ.

Itan 17:12 ပူးပေါင်းရင်းမြစ်များ

II Samuẹl 17:8

wẹ rẹnrẹn wẹ erhaa kevbe emwa rẹn, ekpakpasusu iran khin vbe igbinna kevbe wẹ iran khọ sẹ akpakomiza ne a munọ ẹre emọ vbe uwu oha. Erhaa, ovbiyokuo ne ọ kpe agbọn nọ, ẹ i vbe di ehe ne emwa rẹn ye ya vbe asọn.

II Ọba 2:24

Elaisia keghi fi egbe werriẹ, ọ ghe iran, ọ keghi ya eni e Nọyaẹnmwa rhovbiẹ iran. Ẹre akpakomiza amwẹ eva na ladian vbe uwu oha, iran na yanghan eva yan iyeva vbe uwu ibiẹka ikpia nii.

Itan 17:11

Emwa dan ni gbe ẹti khian, uwu gha bu iran rre zẹ vbe ukọ nẹi mwẹ ekhọe itohan hiehiere.

Itan 27:3

Okuta khua, ekhae vbe khua sokpan a i ye ukhuamwẹ iran gie ẹti ne ukọnmwẹ sẹtin si rre.

Itan 28:15

Ivbiogue i miẹn ẹmwẹ guan vbe odaro enọkhaemwisẹ ne ọmwa dan, ọ zẹ ẹbe sẹẹ oduma ne ọ tu ye evbare kevbe akpakomiza ne ọ ru ohuẹ khian.

Itan 29:9

Ọmwa ne ọ wan gha tie ọzuọ ẹzọ, ogie okpa ọ re ọzuọ nii wa giẹ, ọ ghi gha vannọ ọkan, ọ ghi gha tie ẹbọ.

Hozia 13:8

I gha gu uwa gbinna zẹ vbe akpakomiza ne ọ ma ghi miẹn ivbi ẹre, I ghi yanghan uwa hẹkua. I gha yanghan uwa re ye ihọkpa nii zẹ vbe oduma, I ghi vbe yanghan uwu ukhiọnmwu khiọnmwẹ zẹ vbe aranmwẹ akọn.

Matiu 2:16

Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.