Itan 16:7 - Edo Bible (E Baibol Ẹdo) Version 1996

⁷ U gha ru vbene ọ yẹ Nọyaẹnmwa, u gha sẹtin ya avbe eghian ruẹn khian ọse.

Itan 16:7 ပူးပေါင်းရင်းမြစ်များ

Gẹnẹsis 27:41

Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Gẹnẹsis 33:4

Sokpan Isọ keghi ya rhulẹ vba ẹre, ọ keghi viọ obọ kinnọ ẹre urhu, ọ siẹe kẹ egbe ọ na ye unu soso ẹre unu. Iran e eva kegha viẹ.

II Krọnikol 17:10

E Nọyaẹnmwa keghi ru ẹe wẹ a ma ghi miẹn ne ohan gie ẹe mu okuọ gie Jehosiafat ne ọba vbe uwu avbe arriọba ni lẹga ẹre.

II Krọnikol 20:30

Ẹre Jehosiafat na gha re ọba vbe ọfumwegbe, Osanobua keghi gie ẹkun sẹ ọ re otọ vbe odẹ hia.

Ẹzra 8:36

Iran kevbe mu ebe ne ọgbaisi gbẹn ne iran, iran na mu ne nọ khaemwisẹ kevbe iran ni rre asẹ vbe otọe Orrie Yufretes, iran na vbe ye obọ ya iran ẹre kevbe ugamwẹ vbe Ọgua Osa.

Psalm 69:31

Ọ na gha yẹ Nọyaẹnmwa sẹẹ ne I gha mu ẹmila ne ẹẹn, ra ne I ya ẹkhuia ne ọ dido zọ ese ne ẹẹn.

Ẹksọdọs 3:21

“I gha ya ivbi Igipt gha da a ne emwa mwẹ sẹrriọ wẹ ẹghẹ ne uwa gha na kpao, wa i ra fiabọ kpao.

Itan 16:8

Ọ kere ne a gha mwẹ emwi kherhe ne a la odẹ ẹmwata miẹn, sẹẹ ne a gha mwẹ okpe ere ne a la odẹ ero miẹn.

Itan 3:17

Ẹwaẹn gha sẹtin ye ẹdagbọn ruẹn khian ne ọ rhiẹnrhiẹn, ọ ghi vbe su ẹ la ẹe fo.

Jerimaia 15:11

E Nọyaẹnmwa, adeghẹ ma ma ga uwẹ ẹse, gie ihẹn ne iran tie sẹ mwẹ egbe. I ma he do rinmwian an ne avbe eghian mwẹ ẹdẹ vbe iran rre uwu ibaro kevbe akhiẹ.

Jerimaia 39:12

“Wa ya gualọ e Jerimaia, ne uwa gbearoghe ẹre ẹsẹse, wa ghẹ kuan ẹre egbe sokpan, wa ru emwi ne ọ rhirhi nọ ne ẹẹn.”

Jerimaia 42:12

Vbene imẹ na mwẹ itohan nii, I gha ru ẹe ne ọ vbe tohan uwa, ne ọ vbe gie uwa werriegbe gha rrie owa. Mẹ ne Nọyaẹnmwa ọ re ọ taa ẹe.’

Daniẹl 1:9

Osanobua keghi ru ẹe ne Aspenaz gha mwẹ itohan ghe Daniẹl.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

Kọlose 3:20

Wa ne emọ, te ọ khẹke uwa, zẹ vbe emwa ni ya Kristi yi, ne uwa gha họn ẹmwẹ ne avbe evbibiẹ uwa ẹghẹ hia, rhunmwuda, ọnii ọre ọ yẹ Osanobua.

Hibru 13:21

Osanobua ọfumwegbe ne ọ viọ emwi ni maa hia ne uwa ho ne uwa, vbe ne uwa gha na sẹtin ru vbene irẹn ho, kevbe ne ọ vbe la ekpa Jesu Kristi ru emwi ne ọ yẹ ọre vbe uwu ima. Jesu Kristi ọre uyi gha rrọọ na ẹdẹ kevbe ẹdẹdẹmwẹdẹ! Isẹ.

I Pita 3:13

Gha ọ ra ru uwa emwi dan yi adeghẹ wa mu aro ye ẹmwẹ ne uwa gha ru emwi esi?

I Jọn 3:22

Emwi ne ima a rhirhi nọ vbe obọ ẹre, ghi gha sẹ ima obọ, rhunmwuda, emwi ne ọ tae ọre ima ru, emwi ne ọ rhirhi yẹ ọre ọre ima ru.