Itan 16:5 - Edo Bible (E Baibol Ẹdo) Version 1996

⁵ Te ẹmwẹ ọmwaikọmwa ne ọ tọn egbe mu sọnnọ e Nọyaẹnmwa; ẹ i vbe gie irrioya la iran ban ẹdẹdẹmwẹdẹ.

Itan 16:5 ပူးပေါင်းရင်းမြစ်များ

Job 40:12

Ẹn, ghe iran ne u silo iran kẹ otọ rẹn rẹnkhẹn ọmwa dan an, ye ehe ne ọ mudia yi.

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Itan 11:21

Wẹ rẹnrẹn wẹ ẹ i mwẹ a ma rria ọmwa dan ikhi, sokpan, emwa esi gha lẹ fe.

Itan 16:4

Emwi ne Nọyaẹnmwa yi hia wa mwẹ ne a zẹ yotọ khẹ ọre; emwi ne a ghae khẹ ọmwa dan ọrọre ọfuan.

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

Itan 6:29

Erriọ ọ re ọ wa vbe rhia sẹ zẹẹ ne ọmwa rhikhan mu amwẹ ẹrrẹe. ọmwa ne ọ rhirhi danmwẹ ọẹn, ọ gha rrioya.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:12

Vbe ẹdẹ nẹdẹrriọ, e Nọyaẹnmwa ne Oghodua gha hie uhunmwu emwa ni mwẹ ẹtin hia rriotọ, iran hia ni hio, kevbe ni ya obọ rra ẹwẹe.

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Jerimaia 13:15

Ivbi Izrẹl, e Nọyaẹnmwa guan nẹ! Wa gha mu egbe rriotọ ne uwa gha danmwehọ ẹre.

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”