Itan 16:32 - Edo Bible (E Baibol Ẹdo) Version 1996

³² Ọmwa ne ọ ziengbe ọ re ọ maa sẹẹ ne ọ hẹ ẹtin. Ọmwa sẹtin kha yan egbe ẹre ọ re ọ maa sẹẹ ọ kha yan okpẹvbo.

Itan 16:32 ပူးပေါင်းရင်းမြစ်များ

II Ọba 5:12

Yevbe sẹ ọnii, avbe Abana kevbe Fapa ne ẹzẹ nii rre e Damaskọs vbe owa, maa sẹ ẹzẹ ke ẹzẹ vbe Izrẹl, mẹ ghẹ ghi ya khuẹ vbe enii ne egbe rran mwẹ.”

Psalm 103:8

E Nọyaẹnmwa mwẹ itohan ọ mwẹ aho ẹmwẹ ọmwa, ẹ i rherhe mu ohu, ọ vuọn ne aho ẹmwẹ ọmwa ne ẹ i beghe.

Itan 14:29

Adeghẹ wẹ hẹko zin egbe, ọmẹwaẹn ọ re u khin, egbe gha balọ ọ, te u rhie ma kẹkan vbene u kọn sẹhẹ.

Itan 15:18

Ibalegbe ọ re ọ si imuan ẹmwẹ rre, sokpan, te izin egbe rhie ọfumwegbe rre.

Itan 16:19

Ọ maa ne a gha re ọmẹhẹ ne a tọ, sẹẹ ne a gha rre usun iran ni tọn egbe mu ne avbe ghae vbe emwi ne a furu ọghe iran.

Itan 16:31

Utọmwẹ ọrọre ere ẹmwata, ede uyi ọ re edẹ khin.

Itan 16:33

Emwa nagbọn ghi gha yan uta ne iran miẹn ehe na rẹn emwi ne ọ rre Osa ekhọe, sokpan, Osanobua ọ re ọ tobọ ọre ta vbene uta ni gha kha hẹ.

Itan 19:11

U gha re ọmọ ne ọ wan, u gha ziengbe vbe ohu a gha mu ẹn. Ọmwa gha ruẹ emwi ne ọ ma kei, uyinmwẹ ọmẹguae nọ adeghẹ u yangbe ẹe.

Itan 25:15

Arhẹrhẹ, izin egbe, gha sẹtin dọ ohu I i kue ne ọ ghi wegbe sẹẹ yọ, uhin ighe te ọ vbe sẹtin fi enigie ekhọe werriẹ.

Itan 25:28

Adeghẹ u i guara ziengbe vbe ohu a mu uẹn, te u wa mu egbe fua, zẹ vbe ẹvbo ne a ma gbe ekẹn gaa, ẹ i sọn emwa guẹ gbinna.

Asan-Ibo 7:8

Ufomwẹ emwi ọ re ọ maa sẹ omuhẹn ọnrẹn. Izin egbe ọre ọ maa sẹ itẹngbemu.

Asan-Ibo 7:9

Ohu gha mu ẹẹn, ziengbe ẹre, uyinmwẹ ọzuọ nọ ne a gha rhie emwi ne ọ sọnnọ ọmwa ye ekhọe.

Ebe ne Pọl gbẹẹn gie emwa Rom 12:21

Ghẹ gia obọ ọkhọ ke odukhunmwu nuẹn, sokpan, ya ọ maa rhie obọ yan ọkhọ uhunmwu.

Ẹfisọs 5:1

Vbene a na miẹn ighẹ ivbi Osanobua ne ọ ghan wa khin, te uwa gha hia ne uwa gha ye vbe irẹn.

Jems 1:19

Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.