Itan 16:30 - Edo Bible (E Baibol Ẹdo) Version 1996

³⁰ Gha mwẹ ẹwaẹn vbe egbe emwa ni guẹ yan akọn ni vbe bun ruẹn aro, iro dan ọ re iran zẹe.

Itan 16:30 ပူးပေါင်းရင်းမြစ်များ

Itan 10:10

Ọmwa ne ọ rhie ẹmwata lẹre, te ọ gbe olighi, sokpan, ọmwa ne ọ kha ladian ighe emwi ma gba, ọfumwegbe ọ re ọ gualọ.

Itan 16:27

Emwa dan ghi gha ho odẹ ne ọ gha na kuan ẹrrẹe, uhin ighe te erhẹn tọn vbe ẹmwẹ ne unu iran rhunmwuda emwi dan ne ọ khin.

Itan 16:29

Emwa ni khọ gha rẹrẹ ọse iran nẹ, iran ghi silo iran obọ la ọfuan.

Itan 16:31

Utọmwẹ ọrọre ere ẹmwata, ede uyi ọ re edẹ khin.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Matiu 13:15

Rhunmwuda ekhọe iran gbin nẹ, iran kan emwi khiẹ ehọ, iran mimi aro gbua. Ne iran ghẹ ya ye aro iran dẹghe, ne ọ ghẹ ya la iran ehọ, ne iran ghẹ ya rẹn otọ ẹre ne iran ghẹ ya fiwerriẹ ne imẹ do ya bọ iran erriọ Osanobua khare.’

Iyẹn ne ọ Maan Ọghe Jọn 3:20

Uwanmwẹ i yẹ ọmwa ne ọ ru ọkhọ, ẹ i vbe ladian idagbo, rhunmwuda ẹ i ho ne agbọn rẹn ọkhọ ne irẹn ru.