Itan 16:22 - Edo Bible (E Baibol Ẹdo) Version 1996

²² Uhunmwu uwa ẹfe ọ re ẹwaẹn khin ne umẹwaẹn, sokpan, ne a gha hia ne a ma avbe akpa emwi, te a mu ẹghẹ rhia kẹkan.

Itan 16:22 ပူးပေါင်းရင်းမြစ်များ

Itan 10:11

Ẹmwẹ ne unu ọmwa esi, isi a rrọọ nọ. Sokpan, ẹmwẹ ne unu ọmwa dan rhie egbe ọkhọ ma.

Itan 13:14

Emwi ne ọmẹwaẹn ma ọmwa re, uhunmwu uwa ne a rrọọ ke rre nọ, iran gha ru iyobọ ne uẹn ne u ya lẹfe vbe u a gha rre uwu ẹbe uwu.

Itan 14:27

Wẹ ho ne u lẹ uwu fe ra? A ya ọghọ ne Nọyaẹnmwa, uhunmwu uwa ne arrọọ ke rre nọ.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 15:28

Te emwa esi roro ẹe nẹ ọ ke gha rhie ewanniẹn ye ẹmwẹ. emwa dan wa mwẹ ewanniẹn ẹgiẹgiẹ sokpan ẹti ọre ọ si.

Itan 16:21

Ọmwa ne ọ wan, ne ọ vbe sẹ ekpe, irẹnmwi ọ re a ya rẹn ọnrẹn. Vbene ẹmwẹ ọnrẹn ya rhiẹnrhiẹn, erriọ ọ re ọ ya la ọmwa ehọ.

Itan 16:23

Te emwa ni wan ka roro ẹmwẹ nẹ iran ke ta ẹe, iran ghẹ ghi ta ẹe, ẹghẹ nii, ọ ghi gha la ọmwa ehọ.

Itan 18:4

Ẹmwẹ ne unu ọmwa, sẹtin gha re ehe ne ẹwaẹn ke rre, ne ọ dinmwi vbe okun, ne ọ furre zẹvbe amẹ ezẹ ne ọ lẹ.

Itan 18:7

Ọzuọ gha guan, egbe ẹre ọ re ọ murhia; ifi ne ẹmwẹ ne unu ẹnrẹn khuẹn ghi mu ẹẹn.

Itan 3:22

Iran gha rhie arrọọ nuẹn, arrọọ ne ọ vuọn ne oghọghọ kevbe ọyẹnmwẹ.

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”

Iyẹn ne ọ Maan Ọghe Jọn 5:24

“Ẹmwata I tama uwa, ọmwa ne ọ rhirhi họn ẹmwẹ mwẹ ọ na vbe ya ọmwa ne ọ gie mwẹ yi, mwẹ ẹfe ne ẹ i fo. A i ghi bu ohiẹn ọnrẹn, ọ fian uwu rra la ẹfe nẹ.

Iyẹn ne ọ Maan Ọghe Jọn 6:63

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Iyẹn ne ọ Maan Ọghe Jọn 6:68

Saimọn Pita wanniẹn tama rẹn wẹẹ, “Nọyaẹnmwa, de ọmwa ne ima ra bu? Wẹ ọre ọ mwẹ ẹmwẹ ne ọ rhie arrọọ etẹbitẹ ne ọmwa.