Itan 16:20 - Edo Bible (E Baibol Ẹdo) Version 1996

²⁰ Gha danmwehọ emwi ne a ma ruẹn re, ọ gha dunna nuẹn; mu ẹtin yan e Nọyaẹnmwa, ẹko gha sẹ uẹ ọyẹnmwẹ.

Itan 16:20 ပူးပေါင်းရင်းမြစ်များ

I Krọnikol 5:20

Osanobua ọ re iran mu ẹtin iran yan, iran kevbe gha na erhunmwu ghe ẹre ne ọ yi iran obọ. Osanobua keghi họn erhunmwu iran, ọ na gie iran khọn miotọ emwa Hagrit kevbe irogho iran hia.

Psalm 125:1

Iran ni mu ẹtin yan Nọyaẹnmwa yevbe Oke Zaiọn ne ẹ i gia rueghe, kevbe ne ẹ i gia bi.

Psalm 146:5

Afiangbe nọ ne ọmwa ne ọ mwẹ Osanobua Jekọb, zẹ vbe ọmwa ne ọ yọre obọ, kevbe ne ọ mu ẹtin yan e Nọyaẹnmwa ne Osanobua ẹre.

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 32:10

Ẹi mwẹ ne ọmwa dan ghẹ rri oya, sokpan, iran ni mu ẹtin yan e Nọyaẹnmwa ahoẹmwọmwa rẹn ne ẹi beghe, degue iran.

Psalm 34:8

Wẹ tobọ gualọ otọ ẹre miẹn vbene Nọyaẹnmwa maa hẹ. Afiangbe ọrọre ọghe iran ni lẹgbinna ẹẹn.

Itan 13:13

A gha bu ruẹ ude esi, u na fieghe uhunmwu yọ, orueghe ọre u gualọ, u gha ya ẹe ru emwi, u gha rrọọ vbe ai mwẹ ẹbe.

Itan 13:15

Te emwa hia ya ọghọ ne ẹwaẹn, sokpan, emwa ne ẹ i gia mu ẹtin yan, odẹ ọfuan iran gbẹn.

Itan 17:2

Ọguọmwadia ne aro sẹ ọre otọ, ọ re ọ ra gha kha yan ọmọ oya ne arowa ẹre hiẹe, ọ gha vbe sẹ ọ re obọ vbe ukhu ẹre.

Itan 19:8

Ru iyobọ ne egbe ruẹ, vbene u gha na hia ne u ruẹ emwi hia ne u gha sẹtin ruẹ, u ghi vbe gha ye emwi ne u ruẹe rre, agbọn gha ma ruẹn.

Itan 8:35

Ọmwa ne ọ gualọ mwẹ miẹn, arrọọ ọ re ọ miẹn, ẹko ẹre gha vbe rhiẹnrhiẹn e Nọyaẹnmwa.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Daniẹl 6:23

Ọba keghi ghọghọ ua, ọ na wẹ ne a si e Daniẹl ladian vbe uvun. Iran keghi siẹe ladian, iran miẹn wẹ emwirhọkpa ma ru ẹe hiehiere, rhunmwuda, ọ mu ẹtin yan Osanobua.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.