Itan 16:2 - Edo Bible (E Baibol Ẹdo) Version 1996

² U sẹtin gha ro wẹ emwi ne u ru hia wa gba, sokpan, e Nọyaẹnmwa ghi ghe emwi ne ọ ya uwẹ ru ẹe.

Itan 16:2 ပူးပေါင်းရင်းမြစ်များ

Psalm 36:2

Rhunmwuda ukpo ne ọ yo ne ọ ro egbe ẹre yi, rẹn ro wẹ, Osanobua i ra miẹn otọ orukhọ ẹre, ne ọ bu abe gbẹe.

Itan 12:15

Avbe akpa ọ re ọ wa ro vbe ẹghẹ hia wẹ emwi ne irẹn ru wa gba, avbe umẹwaẹn ghi gha rhie ude.

Itan 16:25

Emwi ne uwẹ wa ro wẹ ọnii ọrọre odẹ ẹmwata, sẹtin gha re odẹ ne ọ rrie uwu.

Itan 17:3

Erhẹn ọ re a ya danmwẹ igoru kevbe esiliva ghe, sokpan, e Nọyaẹnmwa ọ re ọ ghe ekhọe ọmwa ghe.

Itan 21:2

U sẹtin gha ro wẹ emwi ne u ru hia ọ re ọ wa gba, sokpan ye rre wẹ iro ne u zẹ u ke ya ru emwi ọ re Nọyaẹnmwa ghe.

Itan 24:12

U sẹtin kha wẹ ọ ma kan ruẹn, sokpan Osanobua rẹnrẹn, ọ vbe ghe ekhọe ruẹ. Ọ wa rhie aro lele uẹ, ọ rẹnrẹn, ọ gha vbe ha ẹre nuẹn zẹ vbene u vbe ru.

Itan 30:12

Emwa eso rrọ ni ro wẹ te iran wa huan, vberriọ te iran wa gbe iruẹn sẹlẹkẹ.

Itan 5:21

E Nọyaẹnmwa bẹghe emwi ne u ru hia, ehe ne u a rhirhi la, ọ ghe ruẹ.

Aizaia 26:7

E Nọyaẹnmwa, wẹ ọ re ọ gie odẹ rrie ne emwa esi, odẹ ne iran la khian ye kpẹghẹ.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Daniẹl 5:27

A kpaa ẹre ghe: a kpaa ruẹ ghe vbe esike, a keghi miẹn wẹ u hogha gbe.

Nọmbas 22:32

Odibosa nii keghi nọ rẹn wẹẹ, “Vbọzẹ ne u na gbe ekẹtẹkẹtẹ ruẹ igba eha vberriọ yi? Te I do gba yuẹ odẹ rhunmwuda ọ ma kei ne u khian okhian na.

Iyẹn ne ọ Maan Ọghe Luk 16:15

Jesu keghi khama iran wẹẹ, “Wa na ọre ọ rhie egbe ma emwa ne agbọn zẹ vbe emwata, sokpan Osanobua rẹn ekhọe uwa. Rhunmwuda, emwi ne emwa ne agbọn ghe gẹdẹgbẹ, ọ ma sẹ emwi rhọkpa vbe odaro Osanobua.

Arhie Maan 2:18

“Gbẹn ebe gie odibosa esọsi ne ọ rre Tiatira wẹ: “Uhunmwu ne ọ gie rre ọre ọ na khin ighẹ Ovbi Osanobua ne aro ẹre kpannọ kua vbe Ogiọnmwẹ erhẹn, ne owẹ ọre fi wainwain, zẹ vbe ẹrọnmwọ ne a kpee.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

Giọgis 17:6

Ọba i rre Izrẹl ẹghẹ nii, dọmwadẹ ọghọe keghi wa gha ru vbene ọ khọn rẹn.

Giọgis 7:6

Iran ni ya obọ balọ amẹ wọn kegha re iyisẹn eha. Iran ni dekẹe hia keghi diguẹ gha wọn amẹ.

I Samuẹl 16:7

Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”

I Samuẹl 2:3

Dobọ owogho oghagha ruẹ yi gie ẹmwẹ uhiomwẹ ruẹn gbẹdọ, rhunmwuda, e Nọyaẹnmwa, Osanobua ne ọ rẹn emwi ne ọ sunu nọ, ọ vbe bu ohiẹn emwi ne emwa ru hia.