Itan 16:17 - Edo Bible (E Baibol Ẹdo) Version 1996

¹⁷ Odẹ ne ẹbe i ye ọ re emwa esi la, rhunmwuda ọnii, gha rhuan egbe vbe ehe ne u yo, ọnii sẹtin da uhunmwu ẹn yi ye agbọn.

Itan 16:17 ပူးပေါင်းရင်းမြစ်များ

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Itan 10:9

Emwa ni yin ẹse rrọ vbe ai mwẹ ẹbe ẹkun ne ọ sotọ, sokpan obọ gha vba emwa uyinmwẹ orhure.

Itan 19:16

Gha ya uhi Osanobua ru emwi, u gha tọ, u gha fi iyeke gbe iran, u gha wu.

Itan 21:23

U gha ho ne u ghẹ miẹn orueghe, gha roro ẹmwẹ u te tae.

Itan 22:5

Adeghẹ u ho ẹmwẹ ẹdagbọn ruẹn, biegbe ne ifi ne ọ mu ọmwa dan vbe odẹ.

Itan 4:23

Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Aizaia 35:8

Odẹ ne gbodoo gha la evba, a ghi gha tie ẹre “Odẹ uhuanmwẹ.” Ọmworukhọ i ra la odẹ nii ẹdẹ akpa i ra bibi emwa ni lae odẹ.

Matiu 24:13

Sokpan ọmwa ne ọ da ẹe yi ya sẹ ufomwẹ, ọre a gha miẹn fan.

Iwinna 10:35

Ọmwaikọmwa ne ọ mu ohan rẹn, ọ na vbe gha yin ẹse, te irẹn gha rhan obọ miẹn rẹn, ovbi ẹvbo ne ọ rhirhi gha khin.

Iwinna 24:16

Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.

Hibru 10:39

Ma i rre uwu emwa ni werriegbe, iran na vbe wirua, sokpan ma mwẹ iyayi, a keghi miẹn mwa fan.

Ebe ne Jud gbẹẹn 1:21

Wa ghi vbe mudia vbe uwu aho ẹmwẹ ọmwa Osanobua, zẹ vbene uwa mudia khẹ Nọyaẹnmwa Jesu Kristi ne ọ gha la ekpa itohan rẹn rhie ẹfe ne ẹ i fo ne uwa.

Ebe ne Jud gbẹẹn 1:24

Rọẹn ni ne ọ gha sẹtin da uwa yi ne uwa ghẹ de, ne ọ gha viọ uwa mudia vbe odaro uyi ẹre, zẹ vbe emwa ne ẹ i mwẹ ozan, kevbe ne ọ sẹ ọyẹnmwẹ.

Arhie Maan 3:10

Rhunmwuda ighẹ u rhie iyi ne I yi ne uwa, wẹ ne uwa ziengbe, mẹ gha vbe rhie ruẹ lẹre vbe ne a i na mwẹ ẹbe hin obọ ẹghẹ ọlọghọmwa, ne ọ ra do hihiẹ yan uhunmwu otọ agbọn hia, ne a ya danmwẹ emwa hia ni rre agbọn ghe.