Itan 16:10 - Edo Bible (E Baibol Ẹdo) Version 1996

¹⁰ Ẹtin uyi ẹrinmwi ọ re ọba ya guan, emwi ne ọ tae hia ọ re ọ wa re ne ọ gbae.

Itan 16:10 ပူးပေါင်းရင်းမြစ်များ

Gẹnẹsis 44:15

E Josẹf keghi kha wẹẹ, “Vbe ọ na khin uyinmwẹ ne uwa yinrin na yi? Wa ma rẹn wẹ ọmwa vbene imẹ ye gha sẹtin bọ mu uwa ra?”

Gẹnẹsis 44:5

Vbọzẹ ne uwa na do ukpu esiliva mwẹ rhie? Ukpu na ọ re arowa mwẹ ya wọn amẹ, ọ re ọ vbe ya bọ. Emwi ne uwa ru i ma hiehiere.’ ”

II Samuẹl 14:16

I roro ẹe wẹ, u gha rhie ehọ mẹ ta yi, ne u fan mwẹ vbe obọ ọmwa ne ọ ho ne ọ gbe mwẹ gbe mwẹ ọmọ, ọ ghi vbe yuolo ima kua hin otọ ne Osanobua mu ne emwa rẹn rre.

I Ọba 3:28

Ivbi Izrẹl ghi họn ohiẹn ne Solomọn buru, iran keghi kpa uhe ne ẹẹn, rhunmwuda, iran miẹn wẹ Osanobua rhie ẹwaẹn ne ẹẹn ne ọ ya gha buohiẹn ẹse.

II Krọnikol 26:16

Sokpan, ugbẹn vbe Uzaia ne ọba ghi re ọmwa ne ọ wegbe nẹ, ọ keghi do gha hio, ọnii ọ re ọ si udemwẹ ọnrẹn. Ọ keghi yagha e Nọyaẹnmwa ne Osanobua ẹre vbene ọ na gha rrie Ọgua Osa ya gha giẹn eturari vbe Ogiukpo eturari.

Psalm 99:4

Ọba nọkhua, wẹ ho ẹmwẹ ne ọ gbae; wẹ mu ohiẹn ẹmwata gbọ nẹ vbe Izrẹl, wẹ rhie ẹmwata kevbe a i ghe ikpanro rre nẹ.

Itan 29:4

Ekhọe ọba gha rre ẹmwẹ ohiẹn ẹmwata, ẹvbo ghi wegbe, sokpan, adeghẹ ẹmwẹ igho okpa ọ re ọ rẹnrẹn, te ọ ra gbe ẹvbo ẹre sotọ.

Hozia 10:4

Ẹmwẹ akuọkan ọ re iran ta ladian vbe unu, iran ghi vbe gha yan eyan ifianyanegbe kevbe ebe ne ẹ i mwẹ esa ne a gha rhie obọ yi. Ohiẹn ẹmwata gele khian ohiẹn ne ẹ i re ẹmwata nẹ nian, ọ gha wan khian zẹ vbe ne irunmwu eruan ye vbe otọ ne a mu ugbo yi.

Emọs 5:7

Ọghe uwa fo nẹ, wa ni khiẹn ohiẹn bu, ni vbe mu emwa buzọ ẹre aro ua vbe emwi ne ọ wa khẹke iran!

Emọs 6:12

Ẹsin vbe gbe ọkuẹkuẹ vbe uhunmwu okuta ra? Avbe ya ẹmila vulo otọ vbe amẹ okun ra? Sevba, wa ye ohiẹn ẹmwata khian eruan, wa keghi vbe ya ne ọgbae khian ne ọ magba.