Itan 15:9 - Edo Bible (E Baibol Ẹdo) Version 1996

⁹ Te odẹ emwa dan sọnnọ e Nọyaẹnmwa sokpan, ẹmwẹ iran ni ru ẹse ghi gha ye ọre.

Itan 15:9 ပူးပေါင်းရင်းမြစ်များ

Psalm 1:6

E Nọyaẹnmwa ọ re ọ su avbe emwata, rẹn ọ re ọ vbe viọ iran lẹre, sokpan, avbe emwa dan, odẹ ọfuan ọghe iran, ọ re iran gbẹn.

Psalm 11:7

Ọmwata ọ re Nọyaẹnmwa khin, ọ ho ẹmwẹ iwinna esi. Iran ni yin vberriọ, gha yin ehe ne ọ ye.

Psalm 139:24

Gualotọ ẹre miẹn, a deghẹ emwi dan rre uwu imẹ, ne u su mwẹ la odẹ etẹbitẹ.

Psalm 5:5

Wẹ i ho ne u bẹghe emwa itengbemu, wẹ khọ ẹko emwa dan hia.

Itan 15:10

U gha ru emwi ne ọ ma gba, a gha rriọọ oya ẹsẹse, sokpan, u gha wẹ ne a ghẹ dia ruẹ ye odẹ, uhunmwu ọ re u ya khiọ ẹre.

Itan 21:21

Gha mwẹ itohan, ghẹ vbe gha ru ero, u gha wa tọ, emwa ọvbehe gha yọghọ nuẹn, iran ghi vbe gha ye obọ esi mu ẹẹn.

Itan 21:4

Emwa dan; a ma he miẹn egbe mwẹ ẹdẹ, kevbe itengbemu, ọ re ọ ye iran ru emwi. Orukhọ ọ re ena khin.

Itan 21:8

Odẹ ne ọ gọe ọ re emwa ni rri abe la, emwa ni ma rri abe ghi gha ru vbene ọ kere.

Itan 4:19

Sokpan, te odẹ ne ọmwa dan la khian yevbe asọn. Iran ghi dele sokpan iran i bẹghe emwi ne ọ rrua iran owẹ.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Aizaia 26:7

E Nọyaẹnmwa, wẹ ọ re ọ gie odẹ rrie ne emwa esi, odẹ ne iran la khian ye kpẹghẹ.

Aizaia 51:1

E Nọyaẹnmwa khare wẹẹ, “Wa danmwehọ mwẹ, wa ni ho ne a miẹn uwa fan, wa ni do nọ iyobọ vbe obọ mwẹ, wa roro ẹmwẹ okuta nọkhua ne uwa ke ladian. Ehe ne a na fian okuta ne a ke fian uwa ladian.

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Jerimaia 44:4

I kegha giee avbe eguọmwadia mwẹ ighe avbe akhasẹ gie uwa, iran na vbe gha tama uwa ne uwa ghẹ gha ru avbe emwi dan na ne ẹ i yẹ mwẹ.

Hozia 6:3

Wa gie ima ziga ne a rẹn e Nọyaẹnmwa. Vbe ne a i na gbe awẹawẹ, ọ gha bu ima rre zẹ vbe ne ẹ i mwẹ ẹdẹ ma gbe, zẹ vbene ẹ i mwẹ amẹ orhọ ma rhọ ye otọ.”

Habakọk 1:13

Sokpan, vbe uwẹ ra sẹtin ziengbe avbe igbẹki ne emwa dan na hẹ yi? Aro ruẹ huan gbe ne ọ gha sẹtin ghe ọkhọ, wẹ i vbe sẹtin gha ghe ughe vbe emwa a gha ru emwi dan, vbọzẹ ne uwẹ na hunwan yi vbe iran dunmwu emwa ni maa sẹ iran an?

Matiu 7:13

“Wa la onurho ne wẹnrẹn la owa, rhunmwuda, te onurho ẹrinmwi erhẹn ye gbodoo, odẹ ne a la sọe vbe rriẹ, emwa ni lae wa vbe bun.

Diuteronomi 7:13

Ọ gha ho ẹmwẹ uwa, ọ gha vbe fiangbe uwa, vbene uwa gha na gha muan yọ, wa ghi vbe gha mwẹ emọ ni bun, ọ ghi fiangbe ugbo uwa vbene uwa gha na gha mwẹ ọka ni bun, kevbe ofigbọn ọliv, ọ ghi vbe fiangbe uwa viọ ẹmila kevbe ohuan ni bun ne uwa. Ọ gha rhie afiangbe na hia ne uwa vbe otọ ne ọ yan ma avbe erha uwa odede we rẹn gha mu ne uwa.

I Timoti 6:11

Sokpan wẹ ne ọmwa Osanobua, gha lẹ ne avbe emwi na hia. Gha ziga gualọ ẹmwata, uyinmwẹ ne ọ khẹ ọghe Osanobua, iyayi, aho ẹmwẹ ọmwa, i ziengbe kevbe ufumwẹ.

II Timoti 2:22

Gha bi egbe hin orriarria ibiẹka, u ghi gha gbinna ne emwi ẹmwata, iyayi, kevbe ahoẹmwọmwa kevbe ọfumwegbe vbe uwu a ku obọ gbe ba iran ni ye ekhọe ne ọ huanrẹn datie Nọyaẹnmwa, ne ọ yi iran obọ.